Կահույքի ընկերության սեփականատերը խաբել է հաճախորդներին
Վրաստանի գլխավոր դատախազությունը հետախուզում է հայտարարել «Մելաձե» կահույքի ընկերության սեփականատեր Վաժա Մելաձեին, որը մեղադրվում է առանձնապես խոշոր չափերով խարդախության և յուրացման մեջ։
Հետաքննության ընթացքում 7000 լարի գրավի դիմաց ազատ արձակված Մելաձեն փախել է անհայտ ուղղությամբ։
Նա կնոջ հետ մեղադրվում է այն բանի համար, որ քաղաքացիներից խարդախությամբ հարյուր հազարավոր լարի է ստացել կահույքի արտադրության պատվերներով, որոնք չեն կատարվել։ Գործով կա նաև երրորդ ամբաստանյալը:
Դատախազությունը նշում է, որ ի սկզբանե գործում է հայտնվել 26 խաբված քաղաքացի և 473 252 լարի գումարը։ Սակայն եւս տասնյակ տուժողներ շարունակում են դիմել դատախազություն։ Այս պահին գործում ներգրավված է 47 անձ, որոնք խաբված են, որոնց պատճառված վնասը գնահատվում է 719 408 լարի։
«Գրեթե ամեն օր նոր տուժողներ են դիմում քննչական մարմին»,- ասվում է դատախազության հայտարարության մեջ։
Գործով ամբաստանյալները մեղադրվում են առանձնապես խոշոր չափերի խարդախության մեջ, որը կատարվել է նախնական համաձայնությամբ։ Եթե ապացուցվի, որ հիմնական մեղադրյալը ապօրինի հատել է Վրաստանի սահմանը, ապա կավելացվի եւս մեկ մեղադրանք:
Opinion, pooling and voting
