Դաշբաշի կիրճում նախատեսվում է բացել ակվապարկ, կառուցվում է նաև հյուրանոց
Նախատեսվում է ակվապարկ բացել Kass Land էկոտուրիզմի տարածքում՝ Դաշբաշի կիրճում։ BM.GE-ին հայտնել են ընկերությունից, որ Kass Group-ը նախատեսում է լրացուցիչ ներդրում կատարել Ծալկայի կիրճի տարածքում. կառուցվում է նաև հյուրանոց։
«Կառուցվող հյուրանոցը կունենա 53 սենյակ, կոնֆերանսների եւ ռեստորանային դահլիճներ։ Այս փուլում նախագծվում է ակվապարկը, որը կփակվի և կկազմակերպվեն սպա կենտրոններ։
Մենք նաև նախատեսում ենք կազմակերպել լրացուցիչ 200 միավոր «վիլահաուս» ջրաշխարհի մոտ։ Ներդրումների արժեքը այս փուլում հստակ որոշված չէ, քանի որ նախագծային աշխատանքներն ընթացքի մեջ են»,- ասել են ընկերությունից։
Kass Land-ի բացումից անցել է մոտ վեց ամիս, և այս ընթացքում էկոտուրիզմի տարածքն ընդհանուր առմամբ ունեցել է ավելի քան 100,000 այցելու։
«Սկզբում այցելուների մեծ մասը Վրաստանի քաղաքացիներ էին, հետո ավելացավ նաեւ զբոսաշրջիկների թիվը։ Ինչ վերաբերում է Κass dimond հանգստավայրերի վիլլաներին, ապա այնտեղ այցելում են ինչպես Վրաստանի քաղաքացիները, այնպես էլ զբոսաշրջիկները։ Ներկայումս վիլլայի արժեքը 100 դոլար է՝ ներառյալ նախաճաշը։ Մինչեւ տարեվերջ վիլլաների թիվը 40-ից կհասնի 60-ի»,- ասել են Kass Group-ից։
Ընկերությունից հայտնում են, որ այցելուների հետաքրքրության օբյեկտը 240 մետրանոց ապակե կամուրջն է. «Բոլորն ուզում են տեսնել և անցնել 240 մետրանոց ապակե կամուրջը։ Շատ տարածված է նաև հեծանվային գիծը, որը դարձել է էքստրիմների սիրելի զբաղմունքը։ Միաժամանակ մեծ հաճույք է ճոճանակից օգտվելն ու բնությունը վայելելը»,- նշում են ընկերությունում։
Opinion, pooling and voting
