Նինոծմինդայի Շրջանային ժողովում առաջին խնդրագիրն է գրանցվել
«Միջազգային թափանցիկություն-Վրաստան» կազմակերպության քաղաքացիական խորհուրդների և Ախալցիխեի գրասենյակի կողմից Նինոծմինդայում՝ Սամեբա գյուղում, երկրաշարժից տուժած բնակելի տների և միջնակարգ դպրոցի վերականգնման հարցով Նինոծմինդայի Շրջանային ժողովում խնդրագիր է գրանցվել։
Խնդրագիրը ստորագրել են 220 տեղացիներ:
«Տարիներ շարունակ տեղի բնակիչները ստիպված են եղել սեփական միջոցներով դիմակայել բնական աղետներին: Մենք կոչ ենք անում Նինոծմինդայի մունիցիպալիտետի խորհրդին աջակցել մեր խնդրագրին և ուսումնասիրել Սամեբա գյուղի բնակելի տների և դպրոցի շենքի կայունությունը և կենտրոնական իշխանությունից պահանջել միջոցներ՝ դրանք ամրացնելու կամ այլընտրանքային տարածք կառուցելու համար»-ասված է «Միջազգային թափանցիկությու-Վրաստան» կազմակերպության ֆեյսբուկյան պաշտոնական էջում:
Հիշեցնենք, որ Սմեբայում երկրաշարժեր հաճախակի է գրանցվում։ Հուլիսի 11-ին գյուղում անընդմեջ 11 երկրաշարժ էր գրանցվել։ Բնակիչները վախեցած են, սակայն արդեն սովորել են իրավիճակին, գյուղում հենց քամի է բարձրանում արդեն ուղղությունից կռահում են, թե երկրաշարժ լինելու է գյուղում թե ոչ։
Opinion, pooling and voting
