Հոկտեմբերին էլեկտրաէներգիայի ներմուծումն աճել է 14 անգամ

Մի քանի ամիս տեւած դադարից հետո Վրաստանը վերսկսել է էլեկտրաէներգիայի ներկրումը։ Saxstat-ի տվյալներով՝ 2022 թվականի հոկտեմբերին երկիրը գնել է 5,981 մլն դոլար արժողությամբ էլեկտրաէներգիա, ինչը 14 անգամ գերազանցում է նախորդ տարվա նույն ժամանակահատվածի ցուցանիշը։ Անցյալ տարվա հոկտեմբերին Վրաստանը գնել է ընդամենը 414 400 դոլար արժողությամբ էլեկտրաէներգիա։

Նշենք, որ այս տարվա հոկտեմբերին Վրաստանը գրեթե ամբողջությամբ էլեկտրաէներգիա գնել է Ռուսաստանից՝ 5,979 մլն դոլար արժողությամբ, Ադրբեջանից գնել է ընդամենը 2,42 հազար դոլար արժողությամբ։

Հիշեցնենք նաև, որ այս տարի` մինչև սեպտեմբեր, Վրաստանից մեծ քանակությամբ էլեկտրաէներգիա է արտահանվել։ Ընդհանուր առմամբ, 2022 թվականի 9 ամսում Վրաստանի էլեկտրաէներգիայի արտահանումը կազմել է 84 338 մլն դոլար, ինչը 455,4%-ով ավելի է նախորդ տարվա նույն ժամանակահատվածի համեմատ։

Արդեն 2022 թվականի հոկտեմբերին մենք էլեկտրաէներգիա չենք վաճառել, այլ գնել ենք, այն էլ՝ բավականին մեծ ծավալով։ Եթե ​​հաշվի առնենք, որ երկրի գլխավոր հիդրոէլեկտրակայանում ջրի մակարդակը իջել է սահմանված նվազագույնից, և ձմեռային պաշարը լիովին սպառվել է, ապա հնարավոր է, որ այս տարի երկիրը ստիպված լինի ավելի շատ էլեկտրաէներգիա գնել, քան Էնգուրի վերականգնման ժամանակ։ aliq.ge

• Կթանկանա արդյո՞ք էլեկտրաէներգիան Վրաստանում

---

---