«Ես ինձ պատասխանատու եմ զգում իմ աշակերտների և նրանց ծնողների առջև»,- Սոնյա Ալեքսեյի Շահինյան (լուսանկարներ)

Սոնյա Ալեքսեյի Շահինյանը ծնվել է 1951 թվականին Բոգդանովկայում, ծառայողի ընտանիքում:

Նա մանկուց երազել է դառնալ մանկավարժ: 1968 թվականին դպրոցն ավարտելուց ընդունվել է Կիրովականի (այժմ` Վանաձոր) մանկավարժական ինստիտուտի տարրական դասարանների մանկավարժության և մեթոդիկայի ֆակուլտետը:

Սոնյա Շահինյանը միաժամանակ և՛ սովորել է, և՛ աշխատել դպրոցում: 1968-1970թթ. նա դասվանդել է ռուսաց լեզու Օրոջալար գյուղի դպրոցում, իսկ 1970 թվականից մինչ օրս աշխատում է Նինոծմինդայի թիվ 2 դպրոցում որպես տարրական դասարանների մեթոդիստ:

Տիկին Սոնյան շատ հպարտ ու երջանիկ է, որ աշխատում է թիվ 2 դպրոցում, որը կառուցվել է իր ամուսնու` Ռաֆիկ Շահինյանի ղեկավարության ներքո:

Սոնյա Շահինյանը ունի մեկ որդի և մեկ դուստր: Որդին` Արման Շահինյանը, ով սրտանոթային վիրաբույժ է, ապրում է Մոսկվայում:

Չի կարելի չնշել, որ երբ Նոր Ռադիոն ֆինանսական դժվար ժամանակներ էր ապրում, Արման Շահինյանը օգնության ձեռք մեկնեց ռադիոյին, ինչի համար Նոր Ռադիոն իր երախտագիտությունն է հայտնում նրան:

Մանրամասները լսեք մեր նյութում.