გაიზრდება თუ არა ბუნებრივი აირის ტარიფები ნინოწმინდაში?

რამდენიმე დღეა, რაც საქართველოში ბუნებრივი აირის ტარიფების ზრდაზე საუბრები დაიწყო. როგორც საქართველოს ენერგეტიკისა და წყალმომარაგების კონტროლის ეროვნული კომისიის განცხადებაშია აღნიშნული, ბუნებრივი აირის ტარიფები უცვლელი რჩება.

ამის შესახებ რადიო NOR-ი გაზის კომპანია SJGC-ს დირექტორს ვრეჟ ბერიკიანს ესაუბრა.

კომპანიის დირექტორის სიტყვებით, ფიზიკური პირებისთვის, ამ კომპანიის აბონენტებისთვის ტარიფი კიდევ 3 წელი უცვლელი დარჩება, ანუ 0.48198 თეთრი.

რაც შეეხება იურიდიულ პირებს, “აქ ტარიფი შესაძლოა შეიცვალოს. ეს დამოკიდებულია იმაზე, თუ რა ფასში ვიყიდით ჩვენ თვითონ. ამ მომენტისთვის იურიდიული პირებისთვის 1 კუბური მეტრი ბუნებრივი აირი ღირს 0.5 ამერიკული დოლარი ლარის ეკვივალენტში. ცვლილებების შემთხვევაში აბონენტებს წინასწარ შევატყობინებთ და ახალ ხელშეკრულებას დავდებთ.” – ამბობს ბერიკიანი.

ნინოწმინდაში გაზის კომპანია SJGC-ს ჰყავს 6 001 ფიზიკური და 190 იურიდიული აბონენტი.

აღსანიშნავია, რომ ნინოწმინდის მუნიციპალიტეტში ჯერ კიდევ არის 8 სოფელი, რომელიც არ არის გაზიფიცირებული.

იმის შესახებ, თუ რა გეგმები აქვს ამასთან დაკავშირებით კომპანიას 2023 წლისთვის, ვრეჟ ბერიკიანმა ჩვენთან ინტერვიუში ისაუბრა