Թբիլիսիում հունվարի 1-ին և 7-ին հասարակական տրանսպորտը անվճար կսպասարկի ուղևորներին

Թբիլիսիի քաղաքապետ Կախա Կալաձեն հայտարարել է, որ հունվարի 1-ին և 7-ին հասարակական տրանսպորտը մինչև ժամը 03:00-ն անվճար կսպասարկի ուղևորներին։

Կախա Կալաձեն մայրաքաղաքի կառավարության նիստում Թբիլիսիի բնակիչներին տեղեկություն է փոխանցել Սուրբ Ծննդյան և Ամանորի տոնակատարությունների մասին։

«Հասարակական տրանսպորտը, մետրոն, ավտոբուսը, միկրոավտոբուսը և Ռիղե-Նարիղալան կապող ճոպանուղին Ամանորի և Սուրբ Ծննդյան գիշերը՝ հունվարի 1-ին և 7-ին, մինչև ժամը 03:00-ն կսպասարկեն ուղևորներին։ Երկարացված ժամերին, իհարկե, երթևեկությունը կլինի անվճար, ինչը ողջունելի է։ Ցանկանում եմ շնորհակալություն հայտնել բոլոր մարդկանց, դա վերաբերում է Թբիլիսիի տրանսպորտային ընկերության աշխատակիցներին, ովքեր Նոր տարվա այս կարևոր ժամերին կշարունակեն աշխատել և ծառայել մեր քաղաքի բնակիչներին»,- ասել է Կախա Կալաձեն։ 1tv.ge

• Հունվարից տրանսպորտային միջոցների աղմուկի չափը ևս կստուգվի

---

---