Տղամարդկանց կհագցնեն էլեկտրոնային թեւնոցներ՝ կանանց նկատմամբ բռնության դեպքում

Բռնության իրական սպառնալիքի դեպքում կասկածյալին թեւնոց են հագցնում, իսկ տուժածին տալիս են փոքրիկ հեռախոսի տեսք ունեցող ապարատ։ Եթե ​​հանցագործը մոտենա զոհին 500 մետր շառավղով, սարքն այդ մասին ավտոմատ կերպով հայտնում է ոստիկանություն։

Էլեկտրոնային թեւնոցը կարող է ավելի ակտիվորեն օգտագործվել որպես լրացուցիչ կանխարգելիչ միջոց՝ կանխելու կանանց նկատմամբ բռնությունը, Interpressnews-ին տված հարցազրույցում ասել է Վրաստանի ներքին գործերի փոխնախարար Ալեքսանդր Դարախվելիձեն։

Այս պահին սպառնալիքների դեպքում հիմնական կանխարգելիչ միջոցներն են՝ խափանման միջոցը, կալանավորումը և գրավի դիմաց հետագա ազատ արձակումը։

«Այժմ աշխատանքներ են տարվում օրենսդրական փոփոխությունների վրա: Թեւնոցը դիտարկվում է որպես առանձին կանխարգելիչ միջոց, ինչպես նաև լրացուցիչ միջոց, այս ուղղությամբ աշխատանքներ են տարվում»,- ասել է Դարախվելիձեն՝ նշելով, որ մանրամասները համաձայնեցվում են։

Էլեկտրոնային թեւնոցների օգտագործման ավելացումը պահանջում է լրացուցիչ ենթակառուցվածք և ֆինանսավորում: Նախկինում ծախսերը գնահատվում էին 10 մլն լարի, սակայն գումարը կհստակեցվի՝ ելնելով այն թեւնոցների արժեքից, որոնք պետությունը պետք է գնի։ Նաև պետք է մշակվեն մեխանիզմներ՝ դրանց վնասման դեպքում վնասը փոխհատուցելու համար։

Վրաստանում էլեկտրոնային թեւնոցները կիրառվում են 2020 թվականից։ Netgazeti-ի տվյալներով՝ 2022 թվականի վերջին երկրում դրանք 350-ն են եղել։

Բռնության իրական սպառնալիքի դեպքում կասկածյալին թեւնոց են հագցնում, իսկ տուժածին տալիս են փոքրիկ հեռախոսի տեսք ունեցող ապարատ։ Եթե ​​հանցագործը մոտենա զոհին 500 մետր շառավղով, սարքն այդ մասին ավտոմատ կերպով հայտնում է ոստիկանություն։

Էլեկտրոնային հսկողության մասին որոշումը կայացնում է ոստիկանությունը և հաստատում դատարանը։

2020 թվականից սկսած ընտանեկան բռնության դեպքում նման խափանման միջոց է կիրառվել ընդամենը մի քանի տասնյակ մարդւ դեպքում։ Իրավապաշտպանները կարծում են, որ դա բավարար չէ՝ Վրաստանում տարեկան մինչեւ 10000 խափանման միջոց է տրվում։

Միաժամանակ, ընտանեկան բռնությունը Վրաստանում ամենատարածված հանցագործությունների հնգյակում է։

Իրավապաշտպանները խոսում են Վրաստանում ֆեմիցիդների խնդրի մասին՝ կանանց սպանությունը ընտանեկան կոնֆլիկտների հիման վրա: 2014-2022 թվականներին Վրաստանում սպանվել է 186 կին, իսկ կանանց սպանության 129 փորձ է արվել։

Անցյալ տարի նման սպանությունների ալիքը տարածվեց Վրաստանով՝ առանձնակի դաժանությամբ իրականացված՝ մանկահասակ երեխաների աչքի առաջ։

Հանրային պաշտպանի գրասենյակի տվյալներով՝ 2022 թվականի 10 ամիսների ընթացքում Վրաստանում գրանցվել է կանանց սպանության 18 դեպք, որից 11-ի դեպքում հաստատվել է ընտանեկան բռնության նախանշան։ Միաժամանակ արձանագրվել է կանանց նկատմամբ սպանության 32 փորձ, որից 26-ը որակվել է որպես ընտանեկան բռնություն։

---

---