Վրաստանի բնակիչը մարդասպան է վարձել՝ սեփական տատիկին սպանելու համար. ՆԳՆ

Ներքին գործերի նախարարությունը հայտարարել է Վրաստանի բնակչի ձերբակալության մասին՝ սեփական տատիկի սպանությունը նախապատրաստելու փաստով։

Մեղադրյալի մասին հայտնի են միայն անվանսկզբնատառերը և տարիքը՝ Ա.Ս., 26 տարեկան։ Տատիկի մասին հայտնի է, որ նա 72 տարեկան է, իսկ սպանությունը ծրագրվել է գումարի պատճառով։

Քննիչների խոսքով՝ կալանավորը վարձել է «մարդասպան» և համաձայնել է նրան վճարել 150 հազար դոլար սպանության համար, գումարի մի մասը նախապես վճարել է և կնոջ մասին լուսանկար ու տեղեկություն ուղարկել։

ՆԳՆ-ն հրապարակել է սպանության պատվիրատուի հեռախոսային խոսակցությունների ձայնագրությունը, որտեղ նա պատմում է կնոջ բնավորության ու սովորությունների մասին, ինչպես ստիպել նրան, որ ինքը բացի դուռը։

Ձերբակալվածին սպառնում է 16-ից 20 տարվա ազատազրկում կամ անժամկետ ազատազրկում։

---

---