«Ընտանիքի» թեմայով լուսանկարների ցուցահանդես և բեմադրություն “PITA” երիտասարդական կենտրոնում
Դեկտեմբերի 11-ին Նինոծմինդայի “PITA” երիտասարդական կենտրոնում տեղի ունեցավ «ընտանիքի» թեմայով լուսանկարների ցուցահանդես և բեմադրություն, որը կազմակերպել էին կենտրոնի ակտիվիստները:
Ակտիվիստների կազմակերպած բեմադրությունները վերաբերում էին ընտանիքում սեռային իրավահավասարության դրսևորմանը: Ներկայացված էին երկու իրավիճակներ: Մի ընտանիքում տիրում էր խաղաղություն և համերաշխ մթնոլորտ, և ընտանիքի բոլոր անդամները ապրում էին փոխադարձ հասկացողությամբ, իսկ մյուս ընտանիքում կինը չուներ իր պատշաճ տեղը, որոշումները ընդունվում էին միմիայն տղամարդու կողմից, և միշտ գտնվում էին վեճի պատճառներ:
Երկու բեմադրությունների ներկայացումից հետո տեղ ունեցավ քննարկում, որի ժամանակ երիտասարդները հայտնեցին իրենց կարծիքները երկու ընտանիքներում տիրող իրավիճակի մասին:
Մանրամասները մեր տեսանյութում և աուդիո ռեպորտաժում.
Գարուշ Արզումանյան