Նինոծմինդա քաղաքում ջրի խնդիր կա և՛ ամռանը, և՛ ձմռանը
Նինոծմինդա քաղաքում ջրի խնդիր կա և՛ ամռանը, և՛ ձմռանը։
Ամռանը ջրի սակավության պատճառը կապված է այգիների ջրելու հետ, իսկ ձմռանը՝ հիմնականում այն պատճառով, որ բնակիչների մեծ մասը շուրջօրյա բաց է թողնում ծորակները, որպեսզի խողովակների ջուրը հանկարծ չսառչի։
Մինչ շատ բնակիչների ծորակներից ջուրն անօգուտ հոսում է կոյուղիներ, բնակիչների մի մասը երազում է օրական գոնե մի քանի ժամով ջուր ունենալ։
Սպանդարյանա փողոցի բնակիչներն այսօր դիմել են NOR ռադիոստուդիա՝ խոսելու իրենց խնդրի մասին։ Ինչպես մեզ ասացին բնակիչները, արդեն 10 օրից ավելի է՝ խմելու ջուր չունեն։ «10 օր ջուրը ընդամենը մոտ կես ժամ էր գալիս, իսկ հետո դա էլ կտրվեց։ Ջրի բացակայությունը բերում է տարբեր դժվարությունների, չենք կարող չլողանալ, չլվանալ սպասքն ու հագուստը։ Հատկապես դժվար է, երբ տանը կան նաև փոքր երեխաներ։ Երբ ամառը քաղաքում ջուր չկար, մեր փողոցում միշտ ջուր էր լինում ու քաղաքի բոլոր բնակիչները գալիս էին մեր փողոց ջրի համար։ Իսկ հիմա ջրի համար պետք է գնանք քաղաքի մյուս ծայրը»,- ասում են Սպանդարյան փողոցի բնակիչները։
Այն ժամանակ, երբ ամռանը քաղաքի մի մասը մնում էր առանց ջրի, Սպանդարյան փողոցով միշտ ջուր էր հոսում։ Փողոցում կա մի աղբյուր, որտեղից մինչև վերջերս անընդհատ ջուր էր հոսում և որից օգտվում են քաղաքի որոշ բնակիչներ։
Սպանդարյան փողոցի բնակիչները խնդրում են մնացած բնակիչներին փակել ծորակները, որպեսզի իրենք էլ ջուր ունենան։
Առավել մանրամասն մեր աուդիո նյութում։
Opinion, pooling and voting
