Թուրքիայի կենտրոնական հատվածում 7,7 մագնիտուդով նոր երկրաշարժ է գրանցվել

Թուրքիայի կենտրոնական հատվածում 7,7 մագնիտուդ ուժգնությամբ նոր երկրաշարժ է գրանցվել, հայտնում է Եվրոպական միջերկրածովյան սեյսմոլոգիական կենտրոնը (EMSC):

Կենտրոնի տվյալներով՝ դա տեղի է ունեցել ժամը 13։24-ին՝ Քահրամանմարաշ քաղաքից 59 կիլոմետր հյուսիս-արեւելք։ Օջախը ընկած է եղել երկու կիլոմետր խորության վրա։

Սկզբում հաղորդվում էր, որ այս ցնցման ուժգնությունը կազմել է 7,8 մագնիտուդ, սակայն ավելի ուշ սեյսմոլոգները ճշտել են տվյալները։

---

---