რა სახელმწიფო პროგრამები მოქმედებს ჯავახეთში ფერმერებისთვის
რეგიონებში სოფლის მეურნეობის განვითარების ხელშეწყობის სახელმწიფო პროგრამის ფარგლებში ნინოწმინდაში ამჟამად ერთადერთი პროგრამა, შეღავათიანი აგრო-სესხი მოქმედებს.
პროგრამის მიზანია სასოფლო-სამეურნეო პირველადი წარმოების, გადამუშავებისა და პროდუქტის შენახვის პროცესების გაუმჯობესებაა. სახელმწიფო ფერმერს აწვდის 4 წლიან სესხს, რომლის საპროცენტო განაკვეთიც წლიურად 11%-ს შეადგენს. სესხის თანხა შეიძლება იყოს 20 ათასიდან 1.5 მილიონ ლარამდე.
აგროსესხები გაიცემა კომერციული ბანკებისა და სხვა საფინანსო დაწესებულებების მიერ, რომლებიც “შეღავათიანი აგრარული სესხის” პროგრამაში
პროგრამის ფარგლებში, სესხები გაიცემა ახალი სასოფლო-სამეურნეო საწარმოების შექმნის, არსებული საწარმოების გაფართოების, არსებული საწარმოების მოდერნიზაციის ან რეკონსტრუქციის დასაფინანსებლად შემდეგი მიზნებისათვის:
- ხორცის, თევზისა და რძის გადამუშავება
- ხილის, ბოსტნეულისა და კენკრის გადამუშავება
- სასაკლაოები
- მეფუთკრეობის პროდუქტების გადამუშავება
- ცხოველების, ფრინველებისა და თევზის საკვების წარმოება
- ორგანული სასუქის წარმოება
- აგრო პროდუქტის შესანახი საწყობი
- მარცვლეულის საშრობები
- ცხოველების ფერმა
- ფრინველების ფერმა
აღსანიშნავია, რომ ნინოწმინდის მუნიციპალიტეტში აღნიშნულის გარდა, მოქმედებდა კომბაინის შეძენის პროგრამა, თუმცა განაცხადების შეტანის ვადა უკვე დასრულებულია.
სასოფლო-სამეურნეო ტექნიკის მოსავლის აღების თანადაფინანსების პროგრამის ფარგლებში ფერმერებს კომბაინის შეძენის შესაძლებლობა მიეცათ. პროგრამაში მონაწილეობა შეეძლოთ ფიზიკურ პირებს, იურიდიულ ორგანიზაციებს და კოოპერატივებს. პროგრამის მიხედვით, კომბაინის შეძენის შემთხვევაში სახელმწიფო გადაიხდიდა ღირებულების 40%, არაუმეტეს 200 000 ლარისა, აგრეგატების შემთხვევაში ასევე ფინანსდებოდა 40%, მაგრამ არაუმეტეს 150 000 ლარისა.
Opinion, pooling and voting
