Առավոտյան լուրեր

Վրաստան

• Ախալքալաք քաղաքից 2 կիլոմետր հեռավորության վրա՝ Դիլիսկա գյուղի մոտ, օջախի 5 կմ խորությամբ, 3,1 մագնիտուդով երկրաշարժ է տեղի ունեցել։

• Փետրվարի 13-ից 18-ը Վրաստանում սպասվում է ցուրտ և տեղումնառատ եղանակ։ Տեղումները կլինեն հիմնականում ձյան տեսքով։ Արևմուտքից կփչի ուժեղ քամի:

• Աշխարհի 10 մայրաքաղաքներում մի շարք ակցիաներ կանցկացվեն՝ ի պաշտպանություն Սաակաշվիլիի։ Հանրահավաքները նախատեսված են փետրվարի 20-ին։

Թուրքիա

• Թուրքիայի 10 նահանգներում զոհերի թիվը հասել է 29 605-ի, աղետի գոտուց տարհանվել է 147 934 մարդ։

• Թուրքիայի Գազիանթեփ քաղաքում երկրաշարժից 163 ժամ անց 63 ամյա մի կնոջ են փրկել։ Տուժածը հոսպիտալացվել է։

• Երկու երկրաշարժերից հետո Քահրամանմարաշում գրանցվել է 2412 հետցնցում։

• Թուրքիայում 12 մարդու են ձերբակալել շենքերի անվտանգության հետ կապված խնդիրների պատճառով, հայտնում է The Guardian-ը։

Սիրիա

• Վերջին տվյալներով Սիրիայում երկրաշարժի պատճառով զոհվել է առնվազն 4,500 մարդ:

• Երկրաշարժից տուժած Սիրիայում խոլերայի բռնկման վտանգ կա։

Հայաստան

• ՀՀ-ից Թուրքիա ուղարկված բեռներում պահածոներ են եղել, ջուր, մանկական տակդիրներ և մի շարք այլ առաջնային օգտագործման ապրանքներ:

• Հայաստանը բարելավել է իր դիրքերը միջազգային վարկանիշային ցուցակում։

• Թուրքիայում նման մեծ ողբերգության պայմաններում հուսադրող է տեսնել Հայաստանի աջակցությունը։ Այս մասին Twitter-ի իր միկրոբլոգում գրել է Հարավային Կովկասի եւ Վրաստանի հարցերով ԵՄ հատուկ ներկայացուցիչ Տոյվո Կլաարը։

---

---