Ինչ նորամուծություններ կլինեն 2024 թվականի ընտրություններում

Փոփոխությունների համաձայն՝ 2024 թվականի խորհրդարանական ընտրությունները կանցկացվեն ընտրատեղամասերում՝ օգտագործելով էլեկտրոնային տեխնոլոգիաներ։

Ինչպես մեզ հետ զրույցում ասաց Նինոծմինդայի մունիցիպալիտետի ընտրական հանձնաժողովի (ԸՀ) նախագահ Սեյրան Կյուրեղյանը, թեև ընտրություններին շատ ժամանակ կա, այս պահին մեծ աշխատանք է տարվում նոր ընտրական համակարգերի համար թրեյներներ պատրաստելու ուղղությամբ։

Ընտրական գործընթացի հիմնական փոփոխություններն այն են, որ 2024 թվականի խորհրդարանական ընտրություններն անցկացվելու են ամբողջությամբ համամասնական ընտրակարգով և էլեկտրոնային տեխնոլոգիաների կիրառմամբ։

Խոսքը, ինչպես պարզաբանեց Կյուրեղյանը, էլեկտրոնային սարքավորումներով ընտրողների գրանցման մասին է։ Սա կօգնի ընտրատեղամասերում բացության և թափանցիկության բարձր չափանիշ սահմանել:

Այս մասին մեզ ավելի մանրամասն ասաց Նինոծմինդայի մունիցիպալիտետի ընտրական հանձնաժողովի (ԸՀ) նախագահ Սեյրան Կյուրեղյանը։