Հաստատվել է Վրաստանի 2017 թվականի բյուջեն
102 կողմ, 10 դեմ ձայների հարաբերակցությամբ հաստատվել է Վրաստանի 2017 թվականի բյուջեն: Մինչ քվեարկությունը լարված քննարկում է ընթացել, գրում է Ալիք Մեդիան՝ վկայակոչելով ընդդիմադիր «Ռուսթավի 2»-ին:
Վրաստանի ֆինանսների նախարարը մոտ 1 ժամ ներկայացրել է բյուջեն, ինչից հետո ընդդիմությունը մեղադրել է կառավարությանը տնտեսական ծանր իրավիճակի և բնակչության աղքատացման մեջ:
Հաջորդ տարվա բյուջեի ծրագրի համաձայն՝ սպասվում է ՀՆԱ-ի 4 տոկոսանոց աճ: Միջնաժամկետ տնտեսական աճը կկազմի 6, իսկ ՀՆԱ-ի դեֆիցիտը՝ 3 տոկոս: