«Օտարերկրյա գործակալների մասին» օրենքի նպատակները նույնական են Կրեմլի նպատակներին. ԱՄՆ դեսպան
Վրաստանում ԱՄՆ դեսպան Քելի Դեգնանը բացատրում է, որ ԱՄՆ-ում Օտարերկրյա գործակալների գրանցման ակտի նպատակները լիովին տարբերվում են այն օրինագծից, որը նախատեսում է ընդունել Վրաստանի խորհրդարանական մեծամասնությունը։
Դեգնանի խոսքով՝ Վրաստանն այս օրենքի կարիքը չունի, և նրա նպատակները լիովին համահունչ են Ռուսաստանում գործող օրենքին՝ ուղղված քաղաքացիական հասարակության ձայնը ճնշելուն.
«Ամեն օր նոր պատճառ է հայտնվում, թե ինչու է մշակվել այս օրենքը։ Սկզբում դա թափանցիկություն էր, այն ժամանակ, երբ ավոլի շատ թափանցիկություն կա, կապված այն բանի հետ թե ինչպես են օտարերկրյա աղբյուրներն օգնում վրացիներին:
Մշակված օրինագիծը կխանգարի վրացիներին, ովքեր օգնում են այլ վրացիներին, վրացիների, ովքեր փորձում են լուծել իրենց համայնքներում առկա խնդիրները և ծառայություններ են առաջարկում այնպիսի հարցերի շուրջ, ինչպիսիք են կլիմայի փոփոխությունը, երիտասարդներին օգնելը, հաշմանդամություն ունեցող մարդկանց օգնելը:
Այս օրինագիծը, ըստ ամենայնի, համահունչ է Ռուսաստանի օրենսդրությանը, որը խարանում է քաղաքացիական հասարակությանը և խեղդում այլախոհությունը։ Տեսեք, թե ինչ է կատարվում Ռուսաստանում, ռուսական օրենքը շատ արդյունավետ է քաղաքացիական հասարակությանն ու այլախոհությունը ճնշելու առումով։
Վրաստանը շատ քրտնաջան աշխատել է ժողովրդավարություն կառուցելու, իր ազատությունը պաշտպանելու համար, այս օրենքը խարխլում է այն, ինչ կառուցում էր Վրաստանը այսքան տարիներ։ Այդ իսկ պատճառով Վրաստանի գործընկերները՝ ԱՄՆ-ը, ԵՄ-ն, ՄԱԿ-ը և տարբեր կազմակերպություններ, մտահոգություն են հայտնում այս հարցում։ Իմ կարծիքով՝ Վրաստանին այս օրենքը պետք չէ, և կարծում եմ՝ պետք է պատասխանել հարցին, թե ի՞նչու եք ընդունում այս օրենքը»,- ասել է դեսպանը։
Opinion, pooling and voting
