Ցուցարարների վրա ջրցան մեքենաների և գազի միաժամանակյա կիրառում. Փաստաբանների միության հայտարարությունը
Վրաստանի երիտասարդ իրավաբանների ասոցիացիան հայտարարել է, որ ցուցարարներին ցրելու համար արցունքաբեր գազի և ջրցան մեքենաների միաժամանակ օգտագործումը հակասում է միջազգային չափանիշներին։
Կազմակերպությունը կարծում է նաև, որ երեկ երեկոյան Թբիլիսիում հատուկ ջոկատայինները անհամաչափ ուժ են կիրառել՝ ինտենսիվորեն օգտագործելով հատուկ տեխնիկա՝ մեծ քանակությամբ և բազմիցս՝ կարճ ընդմիջումներով։ Միաժամանակ արձանագրվել են փաստեր, երբ առանց նախնական զգուշացման օգտագործվել է հատուկ տեխնիկա։
«Արցունքաբեր գազի և ջրցան մեքենաների ինտենսիվ, կարճաժամկետ և լայնածավալ օգտագործումը, բացի անհամաչափ լինելուց, ունի նույն ազդեցությունը, ինչ քաղաքացիական անձանց նկատմամբ դաժան վերաբերմունքը», – ասվում է հայտարարության մեջ:
Ասոցիացիան կոչ է արել Հատուկ քննչական ծառայությանը՝ ապահովել իրավապահների կողմից ուժի անհամաչափ կիրառման դեպքերի օպերատիվ և արդյունավետ քննությունը։
Անցած գիշեր Վրաստանում «օտարերկրյա գործակալների» մասին օրենքի ընդունման դեմ զանգվածային ակցիաները վերածվել են անկարգությունների և բախումների ցուցարարների և հատուկ ջոկատայինների միջև։
Տուժած ցուցարարների թիվը այս պահին հայտնի չէ։ Ներքին գործերի նախարարությունն իր կողմից հայտնել է տասը տուժածի մասին։
Առավոտյան իշխող կուսակցությունը հայտարարեց, որ հետ է վերցնում օրինագիծը՝ հասարակական խաղաղությունը պահպանելու համար։
Opinion, pooling and voting
