Լարսում 7 կիլոմետրանոց խցանում է ստեղծվել

Վերին Լարսի անցակետի մուտքի մոտ կրկին կիլոմետրանոց խցանում է առաջացել Ռուսաստանի ուղղությամբ։ Այս մասին ականատեսների հիման վրա գրում են Telegram-chat «Վերին Լարս» և այլ Telegram-ալիքների օգտատերերը։ «Իզվեստիան» տեղեկությունը տարածում է խցանման տեսանյութի հիման վրա։

Հրատարակությունը գրում է, որ ռուսական եւ վրացական պետհամարանիշներով հարյուրավոր մեքենաներ խցանման մեջ են մնացել։

«Սահմանը բաց է, բայց Վրաստանի ուղղությամբ փոքր խցանում է, իսկ Ռուսաստանի Դաշնության ուղղությամբ խցանումը մեծ է։ Բոլորը տեղում են կանգնած»,- ժամը 00:00-ի դրությամբ գրել է Zemo Lars Telegram-ի չաթի օգտատերերից մեկը։

Սակայն Yandex Maps ծառայության տվյալների համաձայն՝ մարտի 9-ին, ժամը 01:45-ին խցանման երկարությունը հասել է 7 կիլոմետրի։ Վրաստանաբնակ ռուսները RTVI-ի թղթակցի հետ զրույցում Վերին Լարսի անցակետի խցանումն ուղղակիորեն չեն կապում Թբիլիսիում անցկացվող բողոքի ակցիաների հետ և ասում, որ խցանումները պարբերաբար առաջանում են անցակետի անկայուն աշխատանքի պատճառով։

Վերին Լարս անցակետը մարտի 5-ից փակվել է եղանակային վատ պայմանների և ձնահյուսի վտանգի պատճառով և բացվել մարտի 7-ի երեկոյան։ RTVI-ն հայտնում է, որ շատ ռուսներ, այդ թվում՝ սահմանամերձ հայտնի լեռնադահուկային հանգստավայր Գուդաուրիից, վերադառնում են տուն:

«Մոսկվա 24» հեռուստաընկերությունը հայտնում է, որ սահմանի մոտ հերթ կանգնած վարորդները անգամ մեքենաների նստատեղեր են վաճառում։ Հեռուստաընկերությունը և Telegram-ի մյուս ալիքները նույնպես խցանումները կապում են Թբիլիսիի բողոքի ցույցերի հետ։ tv9news.ge

---

---