Աղբի համար կոմունալ վճարները ուշացնելու համար կարող են տուգանվել

2022 թվականին Նինոծմինդայի մունիցիպալիտետում աղբի համար կոմունալ հարկը կազմել է 75 000 լարի։

2018 թվականից Նինոծմինդայի մունիցիպալիտետի բնակիչները վճարում են աղբի կոմունալ վարձերը։ Չորս հոգանոց ընտանիքն ամեն ամիս աղբի համար պետք է վճարի 1,60 լարի, իսկ 4 հոգուց պակաս ընտանիքում ընտանիքի յուրաքանչյուր անդամի համար պետք է վճարվի 0,40 թեթրի։

Իրավաբանական անձանց համար աղբի կոմունալ հարկը 1մ³-ի համար 15 լարի է։

Բնակիչները նշում են, որ դեմ չեն կոմունալ վճարներին, քանի որ գյուղերում աղբամանների հայտնվելուց հետո այն մաքուր է դարձել, աղբ նետելու տեղ կա։ Այնուամենայնիվ, շատ բնակիչներ դժվարություններ են ունենում աղբի համար վճարելու հարցում, քանի որ քաղաքում առկա ոչ բոլոր բանկերն ու բանկոմատներն են թույլ են տալիս վճարել: Շատ բնակիչներ, այդ պատճառով, աղբի համար վճարում են մի քանի ամիս առաջ։

Սակայն շրջանում կան բնակիչներ, որոնք տարբեր պատճառներով չեն վճարում աղբի համար։ Այն բնակիչները, ովքեր մեկ տարուց ավելի է, ինչ չեն վճարել աղբի համար կոմունալ վճարումները, նախազգուշացում է ուղարկվում. Քաղաքապետարանի տնտեսագիտության վարչությունը բնակիչներին խնդրում է բարեխիղճ լինել աղբի համար վճարելու հարցում։

Ամեն ամիս քաղաքապետարանի տնտեսագիտական վարչությունը թարմացնում է տվյալների բազան։ Եթե ընտանիքում փոփոխություններ կան, եթե ընտանիքի անդամ է ավելացվել կամ հակառակը, կամ եթե ընտանիքը պատրաստվում է երկար ժամանակով հեռանալ, ապա պետք է տեղեկացնել քաղաքապետարանի ներկայացուցիչներին։ Այս մասին քաղաքապետարանի ներկայացուցիչները զեկուցում են տնտեսագիտության վարչություն՝ փոփոխություններ կատարելու համար։

Աղբի դիմաց վճարումից ստացված գումարն ուղղվում է աղբամանների և աղբատար մեքենաների ձեռքբերմանը։

Աղբի համար կոմունալ վճարները ուշացնելու համար կարող են տուգանքներ նշանակվել.

Առավել մանրամասն մեր աուդիո նյութում։