Մակրոնը մեկնաբանել է Թբիլիսիում բողոքի ցույցերը
Ֆրանսիայի նախագահ Էմանուել Մակրոնը մեկնաբանել է Թբիլիսիում բողոքի ցույցերը և «օտարերկրյա գործակալների մասին» օրինագիծը հետ կանչելու վրացական իշխանությունների որոշումը՝ ասելով, որ վրացիների նվիրվածությունը ժողովրդավարությանը աննկատ չի մնացել։
«Լսվել է վրացիների նվիրվածությունը ժողովրդավարական արժեքներին, խոսքի ազատությանը և միավորումների ազատությանը: Եվրոպային ուղղված Վրաստանը գիտի, որ կարող է հույս դնել Ֆրանսիայի բարեկամության վրա»,– գրել է Մակրոնը։
Ավելի վաղ ԵՄ-ն հայտարարել էր, որ «Օտարերկրյա ազդեցության թափանցիկության մասին» օրինագծի ընդունումը անհամատեղելի է Վրաստանին Եվրամիության թեկնածուի կարգավիճակ ստանալու վերաբերյալ առաջարկությունների կատարման հետ։ Բրյուսելը ողջունել է իշխող «Վրացական երազանք» կուսակցությանը օրինագիծը հետ կանչելու որոշման համար։
Opinion, pooling and voting
