Ամենաերիտասարդ ուսուցչական կազմն Սամցխե-Ջավախքն ունի

Վրաստանում դպրոցների ուսուցիչների ընդհանուր թիվը կազմում է 56116, ասվում է Քաղաքացիական ինտեգրման և ազգամիջյան հարաբերությունների կենտրոնի ուսումնասիրության մեջ։

Այս ուսումնասիրությունները տարածել է Վրաստանում ՄԱԿ-ի ասոցիացիայի civil.ge պորտալը։

Թբիլիսիի դպրոցներում աշխատում է 12382 ուսուցիչ:

2006 թվականից սկսած Վրաստանում ուսուցիչների թիվը նվազել է 14043-ով։ Անկումն առավել նկատելի է եղել ռուսալեզու դպրոցներում (20,7%), ադրբեջանալեզու (16,9%) և հայալեզու դպրոցներում (14,2%)։

Ներկայում Վրաստանում ուսուցիչների ավելի քան 88%-ը կանայք են։ Տղամարդ ուսուցիչների մասնաբաժինը ամենացածրը Թբիլիսիում է (7,4%), իսկ ամենաբարձրը՝ Ռաչա-Լեչխումում և Զեմո Սվանեթիում (+18%):

Կին ուսուցիչները 10%-ով (70,9%) ավագ ուսուցչի կարգավիճակ ստանալու հավանականություն ունեն, իսկ առաջատար ուսուցչի կարգավիճակ ստանալու հավանականությունը՝ գրեթե 11%-ով (11,1%):

Ադրբեջանալեզու դպրոցներում արական սեռի ուսուցիչների համամասնությունն առնվազն 10%-ով ավելի է, քան մյուս դպրոցներում՝ 26%-ից մի փոքր ավելի:

Բոլոր արական սեռի ուսուցիչներից ամենաքիչը աշխատում են ռուսալեզու դպրոցներում (8,7%): Պարտադիր դպրոցական առարկաներից տղամարդ ուսուցիչներն ավելի հաճախ են դասավանդում ճանապարհային անվտանգություն (54.7%), ֆիզկուլտուրա (50.1%), քաղաքացիական պաշտպանություն և անվտանգություն (29.8%):

Վրաստանում դպրոցների ուսուցիչների միջին տարիքը 49,97 է, կանանց համար՝ 60, տղամարդկանց համար՝ 65:

Միաժամանակ Գուրիայում ուսուցիչների միջին տարիքը 53,04 տարեկան է, իսկ Սամցխե-Ջավախքի տարածաշրջանը ամենաերիտասարդ անձնակազմն ունի՝ 46,9 տարեկան։

Ֆիզիկայի ուսուցիչների համար ամենաբարձր միջին տարիքը 55,6 է, երկրորդ օտար լեզվի համար՝ 54,2, ռուսաց լեզվի ուսուցչի համար՝ 55,3։ Անգլերենի ուսուցիչների երիտասարդ սերունդը միջինում 42 տարեկան է։

---

---