Հասարակության կարծիքը Նինոծմինդայի խելացի և պարզ տեսախցիկների մասին
Արդեն մի քանի տարի է Նինոծմինդա քաղաքի կենտրոնական փողոցներում տեղադրված են խելացի ու պարզ տեսախցիկներ՝ խախտումները արձանագրելու համար։
Տեսահսկման տեսախցիկները ձեռք են բերվել Նինոծմինդայի մունիցիպալիտետի քաղաքապետարանի կողմից և տեղադրվել նախապես որոշված վայրերում՝ Վրաստանի Ներքին գործերի նախարարության ցուցումով:
2019 թվականին Delta Consulting-ը Նինոծմինդա քաղաքում տեղադրել է 14 տեսախցիկ՝ 10 խելացի և 4 պարզ տեսախցիկ։ Իսկ 2020 թվականին Delta Consulting-ը Նինոծմինդա քաղաքում տեղադրել է 11 տեսախցիկ՝ 2 «խելացի» և 9 պարզ (հսկողության): Ընդհանուր առմամբ, երկու տարվա ընթացքում 25 տեսախցիկ գնելու և տեղադրելու համար ծախսվել է մոտ 111 հազար լարի։
Այս ընկերությունը տարիների ընթացքում մատուցում է տեսախցիկների սպասարկման ծառայություններ: Այս պահին տեղադրված 25 տեսախցիկներից 9-ը (6 խելացի և 3 պարզ) չեն աշխատում։ Դրանցից 3-ը վերանորոգման ենթակա չեն, մնացածը պետք է վերանորոգվեն։
2023 թվականին Նինոծմինդայի բյուջեից 19 200 լարի է հատկացվել սմարթ յոթ տեսախցիկների հոսքային ծառայության սպասարկման համար։ Մրցույթը շահել է «Դելտա Քոնսալթինգ»-ը։
Ինչ վերաբերում է տեսախցերի ընդհանուր պահպանմանը, քաղաքապետարանը համախմբված մրցույթ է հայտարարել։ Մրցույթը շահել է «Դելտա Քոնսալթինգ» ընկերությունը 14 467 լարիի չափով։ Նախագծի համաձայն՝ 2021 թվականի սեպտեմբերից մինչև 2023 թվականի հոկտեմբեր ընկերությունը պարտավորվում է իրականացնել տեսախցիկների սպասարկում։
Նշենք, որ Նինոծմինդա քաղաքում տեսախցիկները տեղադրված են հետևյալ վայրերում՝ Պուշկին-Գոգոլ փողոցների խաչմերուկում, Տերյան-Սպանդարյան խաչմերուկում, Տերյան-Երևանյան-Լենինականյան խաչմերուկում, Էրզրումյան-Գոգոլ խաչմերուկում , Հովսեփյան-Ռուսթավելի խաչմերուկում եւ Մ.Խանչալի գյուղ տանող ճանապարհին, Ազատության-Կառլ-Մարքս խաչմերուկում, Ազատության-Հովսեփյան խաչմերուկում՝ Դավիթ Շինարար-Երեւանյան խաչմերուկում։
Այս տեսախցիկները ֆիքսելու են վարչական իրավախախտումները, ինչպիսիք են մեքենա վարելիս հեռախոսով խոսելը, ամրագոտին բաց թողնելը, մեքենաների տեխզննության բացակայությունը և այլն։
NOR ռադիոկայանը նաև հարցում է անցկացրել, որտեղ բնակիչները հայտնել են իրենց կարծիքը։ Բնակիչներից ոմանք կտրականապես դեմ են տեսախցիկներին, ոմանք էլ կողմ են և նշում, որ վարորդները չեն արագացնի և զգույշ կլինեն և այդպիսով կկարողանան խուսափել տարբեր վթարներից։ Մյուսները տեխզննման պատճառով դեմ են խելացի տեսախցիկներին՝ ասելով, որ դեռ երկար ճանապարհ ունենք անցնելու եվրոպական երկրներին ու չափանիշներին հասնելու համար:
Ինչ են մտածում բնակիչները հասարակական վայրերում տեսախցիկների տեղադրման մասին և որքան կարևոր է այս ամենը, այս մասին տեղեկացանք հենց բնակիչներից։
Ինչ վերաբերում է 2023 թվականին տեսախցիկների ձեռքբերմանը և տեղադրմանը, ապա այս փուլում բյուջեով գումար նախատեսված չէ։ Կլինե՞ն արդյոք փոփոխություններ բյուջեում, դեռ հայտնի չէ։
Opinion, pooling and voting
