Վրաստանի բոլոր բենզալցակայանները հունիսի 1-ից պետք է հագեցվեն տեսախցիկներով

Վրաստանի բոլոր բենզալցակայանները պետք է հագեցած լինեն մեքենաների համարանիշերը կարդալու հնարավորություն ունեցող տեսախցիկներով։

Երկրի կառավարության համապատասխան որոշումն ուժի մեջ կմտնի հունիսի 1-ից։

Փաստաթղթի համաձայն՝ վրացական բենզալցակայանների ներքին պարագծի տեսահսկման համակարգերը պետք է թույլ տան ժամում մինչև 20 կիլոմետր արագությամբ շարժվող մեքենաների համարանիշը կարդալ։

Ինչ վերաբերում է արտաքին տեսախցիկներին, ապա դրանք պետք է ցույց տան ճանապարհն ու բենզալցակայանի շրջակայքը։

Այն կհսկի Հանրային անվտանգության կառավարման «112» կենտրոնը, որը տեսախցիկներին հասանելի կլինի առցանց։ Այս դեպքում տեսախցիկների ձայնագրությունները կպահվեն 30 օր։

---

---