Արտերկրում բնակվող ՌԴ քաղաքացիները կենսաթոշակ կստանան միայն ռուսական հաշիվներով և ռուբլով
Արտերկրում բնակվող Ռուսաստանի քաղաքացիները կենսաթոշակներ և այլ տեսակի փոխհատուցումներ կստանան միայն ռուբլով և միայն Ռուսաստանի Դաշնությունում կամ արտասահմանում բացված ռուսական բանկային հաշիվներին։ Բանաձեւը ստորագրել է Ռուսաստանի վարչապետ Միխայիլ Միշուստինը, որը հրապարակվել է իրավական տեղեկատվության պաշտոնական ինտերնետային պորտալում։
Բանաձևում նշվում է նաև, որ արտասահմանում բնակվող ռուսաստանցիներին աշխատանքային դժբախտ պատահարի դեպքում կփոխհատուցվի պարտադիր սոցիալական ապահովագրությունը։ Բացի այդ, Ֆեդերացիայի օրենսդրությամբ սահմանված հիվանդությունների բուժման համար փոխհատուցում կլինի միայն ռուբլով և ռուսական բանկային հաշիվներով։
Կառավարությունը պնդում է, որ չի կարող որևէ այլ ձևով վճարումներ կատարել՝ Ռուսաստանի դեմ սահմանված տնտեսական սահմանափակումների պատճառով։
Բանաձևում նշվում է նաև, որ վճարումը կկատարվի համապատասխան անձի կողմից դիմում ներկայացնելուց հետո՝ նշելով բանկային հաշվի տվյալները, որը պետք է բացվի ռուսական վարկային հաստատությունում կամ երկրից դուրս գտնվող մասնաճյուղում։
Opinion, pooling and voting
