Երկրում կանանց նկատմամբ բռնությունն ու ճնշումը պետք է մեկընդմիշտ դադարեցվի. Օմբուդսմեն
Երկրում կանանց նկատմամբ բռնություններին և ճնշումներին մեկընդմիշտ պետք է վերջ տրվի»,- այս մասին Facebook սոցիալական ցանցում գրել է Վրաստանի հանրային պաշտպան Լևան Իոսելիանին։
Նա արձագանքել է Թբիլիսիում տեղի ունեցած կանանց համերաշխության երթին, որին մասնակցել է, և նշել, որ բոլորը միասին պետք է դատապարտեն կանանց նկատմամբ ցանկացած բռնություն և մշտապես զգոն լինեն այդ իրավունքների պաշտպանության համար։
«Այսօր ոչ միայն որպես հանրային պաշտպան, այլ նաև որպես այս երկրի քաղաքացի և աղջկա հայր եկա և համերաշխություն հայտնեցի այսօրվա ակցիայի գաղափարին։
Այս երկրում կանանց նկատմամբ բռնությանն ու ճնշմանը պետք է մեկընդմիշտ վերջ դրվի։ Մեր երկրի, մեր մշակույթի համար կնոջ նկատմամբ նման վերաբերմունքը բոլորովին խորթ է։ Մեր պատմական անցյալը ոչ այլ ինչ է, քան հավատարմություն և հարգանք հավասարության նկատմամբ, ինչը մինչ օրս համարում եմ մեր երկրի ինքնության հիմնական առավելությունը։
Այդ իսկ պատճառով մենք բոլորս միասին պետք է դատապարտենք կանանց նկատմամբ ցանկացած բռնություն և մշտապես զգոն լինենք այդ իրավունքների պաշտպանության համար»,- գրել է Իոսելիանին։
Opinion, pooling and voting
