Կան մարդիկ, ովքեր ունակ են օգնության ձեռք մեկնելու
Կյանքի համար պայքարող Ռենադա Զորօղլյանի պատմության NOR ռադիոյով հեռարձակումից հետո նրան օգնել ցանկացողներ եղան։
Լիլիթ Կարապետյանը Փոկա գյուղի ակտիվիստ է, ում հուզել է 28-ամյա Ռենադայի պատմությունը։ Լիլիթը սովորել է իրավաբանական ֆակուլտետում և հետաքրքրված է կանանց և երեխաների իրավունքների հարցերով։ Լիլիթը ծանոթ է իրավաբանական կազմակերպություններին. Նա օգնության համար դիմել է Sapari ոչ կառավարական կազմակերպությանը, որն աշխատում է կանանց և երեխաների իրավունքների պաշտպանության ուղղությամբ։ Պատասխանը ստանալուց հետո նա կոնտակտային տվյալները ուղարկել է Ռենադային։ Փաստաբանները հանդիպեցին Ռենադային նա վրացերեն չի խոսում, ուստի թարգմանիչ է եղել շփումը պարզեցնելու համար ։ Փաստաբանները ծանոթացել են Ռենադայի պատմությանը, թե ինչու է նա ապրում Ախալցխայում, իսկ երեխաները՝ Հայաստանում, և ինչու չի կարողանում շփվել երեխաների հետ։ Sapari-ի փաստաբանները Հայաստանում գտել են իրավաբաններ, ովքեր աշխատում են կանանց և երեխաների հարցերով։ Վրացի և հայ փաստաբաններն օգնել են Ռենադային գտնել երեխաներին և հեռախոսով շփվել նրանց հետ։
Ռենադան վիրահատության կարիք ունի. Ձեռքի վրա ուռուցք կա, որն առաջացել է դիալիզի հետևանքով։ Վիրահատության հետ կապված՝ փաստաբանները կապ են հաստատել սոցիալական աշխատողի հետ, ով նշանակել է Ռենադային՝ դիմելու բժշկի։ Եվ հավանաբար, ստուգումից հետո վիրահատությունն անվճար կլինի։ Ռենադան հաշմանդամ է, և վիրահատությունը ֆինանսավորելու է պետությունը։ Ռենադայի խոսքով՝ սոցիալական աշխատողն ասել է, որ եթե համապատասխան փաստաթղթեր ներկայացվեն, ապա տան վարձը կվճարի պետությունը։
Ինչպես նշում է Լիլիթը, նա սկսել է օգնել Ռենադային այն պատճառով, որ նրանք համագյուղացիներ են, և որ Ռենատդան վրացերեն չի խոսում։
Ինչպես նշում է Լիլիթը, նույնիսկ որոշել են դրամահավաք կազմակերպել վարձակալության և վիրահատության համար։ Այս պահին Լիլիթի հետ կապվել է մի կին, ով առաջարկել է իր տունն անվճար տալ Ռենադային։ Սակայն տունը հիվանդանոցից հեռու է, և նա չի կարողանում ոտքով հասնել հիվանդանոց։
Այն բանից հետո, երբ իմացել են, որ վիրահատությունն անվճար է լինելու, չեղարկել են գումարի հավաքագրումը։
Լիլիթը հույս ունի, որ ապագայում Ռենադան կկարողանա հանդիպել և նույնիսկ ապրել երեխաների հետ։
