Նինոծմինդա քաղաքում հացի և ալյուրի գները. Ի՞նչն է փոխվել

Վերջին օրերին Նինոծմինդա քաղաքի բնակչության շրջանում խոսվում է ալյուրի ու հացի գների անկման մասին։

Մենք գնացինք հացի արտադրամաս՝ տեղում ճշտելու այս տեղեկությունը և պարզելու, թե ինչ փոփոխություններ են տեղի ունեցել սննդամթերքի շուկայում։

Առաջին կարգի ալյուրի գինը տատանվում է 58-65 լարիի սահմաններում՝ կախված արտադրողից։

Ըստ հացաբուլկեղենի աշխատողների՝ ալյուրի գինը դեռ չի նվազել, սակայն հնարավոր է, որ հետագայում զգալի նվազում լինի։ Սակայն, ըստ նույն աշխատողների, փոխվել է հացի գինն ու քաշը։

Հացաբուլկեղենների արտադրամասերից մեկում սեւ հացի գինը 1 լարիից դարձել է 80 թեթրի։ Ինչ վերաբերում է հացի մյուս տեսակներին, ապա հացի քաշն ավելացել է:

Հացաբուլկեղենի արտադրամասում, որտեղ թխում են Շոթիս պուրին, հացի գինը մնացել է նույնը, սակայն հացի քաշը հասել է 550 գրամի (խմոր)։

Այսպիսով, կարելի է ասել, որ Նինոծմինդա քաղաքում իսկապես փոխվել են հացի և ալյուրի գները։ Սակայն փոփոխություններն ավելի շատ վերաբերում են հացի քաշին, քան գնին։

Առայժմ ալյուրի գինը չի փոխվել, սակայն ապագայում հնարավոր է զգալի նվազում։

---

---