Նինոծմինդայից դեպի անցակետ տանող ճանապարհին փոսերը շատանում են

Նինոծմինդայից դեպի անցակետ տանող կենտրոնական ճանապարհին Վրաստանի Ճանապարհային դեպարտամենտի կողմից վերանորոգման աշխատանքներ իրականացվել է 2022 թվականին:

Սակայն այս տարի կենտրոնական ճանապարհը տեղ-տեղ սկսել է քանդվել եւ ճանապարհին գոյացել են փոսեր որոնք խանգարում են մեքենաների երթեւեկությանը:

Արդյոք նախատեսվում է իրականացնել վերանորոգման աշխատանքներ կենտրոնական ճանապարհին թե՞ ոչ, այս հարցի շուրջ փորձեցինք կապ հաստատել Վրաստանի ճանապարհային դեպարտամենտի աշխատակիցների հետ: Սակայն բազմաթիվ փորձերից հետո մեր զանգերին չպատասխանեցին:

NOR ռադիոկայանը ավելի ուշ նորից կփորձի կապ հաստատել Վրաստանի ճանապարհային դեպարտամենտի հետ եւ նյութը կթարմացվի:

Նշենք, որ նախկինում Վրաստանի ճանապարհային դեպարտամենտից մեզ հայտնել էին, որ քաղաքի կենտրոնական փողոցի մայթերի վերանորոգման աշխատանքներ իրականացվում է ամեն տարի եւ դրա հետ մեկտեղ կենտրոնական ճանապարհները:

Թեմատիկ՝

• Քանդված մայթեր Նինոծմինդա քաղաքում
• Նինոծմինդայից անցակետ տանող ճանապարհի ասֆալտապատումը մոտենում է ավարտին

---

---