Վրաստանում վարորդական վկայական ստանալու գործընթացը բարդանում է. Նինոծմինդայի բնակիչների կարծիքը.
Աշնան սկզբից Վրաստանում վարորդական իրավունք ստանալը շատ ավելի դժվար է դառնալու. Այս տարվա սեպտեմբերի 1-ից կներդրվեն քննությունների անցկացման նոր կանոններ, որոնք ավելի աշխատատար կդարձնեն վարորդական իրավունքի վկայական ստանալու գործընթացը։
Վրաստանի ՆԳՆ-ից հայտնել են, որ վարորդական իրավունքի վկայական ստանալու համար քննության գործնական մասի երկրորդ փուլում նախքան մեքենա վարելը պարտադիր կլինի ստուգել տրանսպորտային միջոցի տեխնիկական վիճակը։ Սա նշանակում է, որ արտոնագրման թեկնածուները պետք է պատասխանեն տրանսպորտային միջոցի տեխնիկական վիճակին վերաբերող հարցերին՝ տեսողականորեն որոշ մանրամասներ ցույց տալով քննողին, հակառակ դեպքում նրանք չեն կարողանա հանձնել քննությունը։
Այս կապակցությամբ NOR ռադիոյի լրագրողները դիմել են Նինոծմինդա քաղաքի բնակիչներին՝ պարզելու նրանց կարծիքն այս թեմայի շուրջ։ Որոշ բնակիչներ կարծում են, որ կանոնների խստացումը լավ բան է, քանի որ այն բարելավում է ճանապարհային անվտանգությունը, և որ բոլոր թեկնածուները պետք է պատրաստ լինեն քննություններ հանձնելու լավ տրանսպորտում և տիրապետեն ճանապարհային երթեւեկության կանոններին: Սակայն կան մարդիկ, ովքեր կարծում են, որ նոր կանոնները ավելորդ են, և որ կառավարությունը պետք է հանրության համար ավելի մատչելի դարձնի վարորդական իրավունքի վկայական ստանալու գործընթացը, քանի որ դա կապված է բարձր ծախսերի հետ։
Նինոծմինդայում կամ մերձակա Ախալքալաքում չկան ավտոդպրոցներ, որտեղ բնակիչները կարող են սովորել վարել մատչելի գներով: Այժմ նրանք պետք է գնան Ախալցխա, որպեսզի ոչ միայն քննություն հանձնեն, այլեւ համապատասխան գիտելիքներ ձեռք բերեն։
Ավելին մեր աուդիո նյութում։