Ինչ աշխատանքներ են իրականացվում քաղաքի կանաչապատման ուղղությամբ
Նինոծմինդա քաղաքում այս պահին ակտիվ աշխատանքներ են տարվում քաղաքի կանաչապատման ուղղությամբ։ Կենտրոնական փողոցներում, որտեղ պարիսպ կա, նոր ծաղիկներ և սիզամարգեր են տնկվել։ Քաղաքի կանաչապատման համար պատասխանատու աշխատողները հոգ են տանում, որ սիզամարգերը միշտ կոկիկ և հնձված տեսք ունենան:
Քաղաքի կանաչապատման համար տեղի քաղաքապետարանը հատկացրել է 5500 լարի, որից 1794 լարին արդեն օգտագործվել է Թբիլիսիից ծաղիկներ և սիզամարգեր գնելու համար։ Առաջիկայում նախատեսվում է ձեռք բերել տարբեր տեսակի ծաղիկներ, ծաղկի սերմեր, թփեր, ծառեր։ Ինչպես նշում է Անդրանիկ Բդոյանը, այս բույսերը ցրտադիմացկուն են, ինչը թույլ կտա նրանց գոյատևել մեր կլիմայական պայմաններում։
Քաղաքի կանաչապատման հատուկ աշխատողներն հոգում են, որ բոլոր աշխատանքները կատարվեն պլանին համապատասխան: Նրանք ուշադիր հետևում են բույսերի և սիզամարգերի վիճակին՝ քաղաքին գեղեցիկ և խնամված տեսարանով ապահովելու համար։
Այս պահին խոտհնձի աշխատանքներ են ընթանում: Այն վայրերում, որտեղ սիզամարգերը վնասված են, դրանք փոխարինվում են նորերով։ Ծառերը նույնպես սպիտակեցվում են, որպեսզի պաշտպանեն այնպիսի վնասատուներից, ինչպիսիք են որդերը։
Ավելի մանրամասն տեղեկացանք Նինոծմինդա քաղաքի կոմունալ ծառայության պետ Անդրանիկ Բդոյանից։
Քաղաքի կանաչապատումն ունի բազմաթիվ առավելություններ և կարևոր պատճառներ։
Նախ՝ կանաչ տարածքները կարող են մաքրել օդը՝ կլանելով վնասակար արտանետումները և բարելավելով օդի որակը: Երկրորդ՝ քաղաքի կանաչապատումը բարենպաստ մթնոլորտ է ստեղծում և բարելավում է բնակիչների հոգեբանական վիճակը։ Երրորդ՝ քաղաքի կանաչապատումը բարձրացնում է նրա գեղագիտական տեսքը և դարձնում այն ավելի գրավիչ զբոսաշրջիկների և այցելուների համար։
Ընդհանուր առմամբ, քաղաքի կանաչապատումը քաղաքային համայնքի կյանքի կարևոր կողմն է, որը թույլ է տալիս բարելավել շրջակա միջավայրը, բարելավել բնակիչների կյանքի որակը և քաղաքը դարձնել ավելի կայուն և գրավիչ:
Opinion, pooling and voting
