მხარეთმცოდნეობის მუზეუმში გაიმართა ღონისძიება – “ოჯახური რელიკვიები”/ ფოტო
ქალაქ ნინოწმინდის მხარეთმცოდნეობის მუზეუმში, მე და საზოგადოება საგნის ფარგლებში, მე-2 საშუალო სკოლის მოსწავლეებმა გამართეს ღონისძიება თემაზე „ოჯახური რელიკვიები“. ღონისძიების ორგანიზატორი იყო ამ საგნის მასწავლებელი მაია სტამბოლციანი მე-4 კლასის დამრიგებელ მარინა საჰაკიანთან ერთად.
ღონისძიებას ნინოწმინდის მშობლები და მერიის კულტურის, განათლებისა და სპორტის სამსახური ესწრებოდნენ. ბავშვებმა აჩვენეს სახლში შენახული ძველი ნივთები და ისაუბრეს მათზე. ზოგიერთმა მათგანმა გადაწყვიტა მუზეუმისთვის საკუთარი ნივთების გადაცემაც, რათა მათი ოჯახური მემკვიდრეობა შეენარჩუნებინათ.
ღონისძიება არა მხოლოდ ანტიკვარული ნივთების გამოფენის, არამედ მოსწავლეების მშობლიური ქალაქის ისტორიისა და კულტურის მიმართ ინტერესის გაზრდის საშუალებად იქცა. გარდა ამისა, ასეთი ინიციატივები ეხმარება ისტორიული მემკვიდრეობის შენარჩუნებაში მომავალი თაობებისთვის.
ღონისძიების დასასრულს მხარეთმცოდნეობის მუზეუმის დირექტორმა არევიკ ტონერიანმა და კულტურის, განათლებისა და სპორტის სამსახურის უფროსმა ლევონ ვარდანიანმა მადლობა გადაუხადეს ყველა მონაწილეს.
დაწვრილებით აუდიოში.
Opinion, pooling and voting
