Թռիչքներ կիրականացնեն միայն այն ռուսական ավիաընկերությունները որոնք պատժամիջոցների ցանկում չեն
Վրաստանի օդանավակայանների ասոցիացիայի տվյալներով, ցանկության դեպքում, պատժամիջոցների չենթարկված ռուսական ավիաընկերությունները կկարողանան թռիչքներ իրականացնել երկրի բոլոր երեք միջազգային օդանավակայաններից։
Մինչ այդ սոցցանցում տեղեկություն էր տարածվել, որ Քութաիսիի օդանավակայանը հրաժարվում է Ռուսաստանում գրանցված ավիաընկերությունների ծառայություններից։
«Վրաստանի բոլոր երեք միջազգային օդանավակայաններից թռիչքներ կիրականացնեն միայն այն ավիաընկերությունները և այն ինքնաթիռները, որոնք պատժամիջոցների ցանկում չեն։
Ելնելով հանրային բարձր հետաքրքրությունից՝ ևս մեկ անգամ ցանկանում ենք պարզաբանել, որ որոշումը վերաբերում է Վրաստանի բոլոր միջազգային օդանավակայաններին։
Շոթա Ռուսթավելիի անվան Թբիլիսիի միջազգային օդանավակայանը, Դավիթ Աղմաշենեբելի Քութաիսիի միջազգային օդանավակայանը և Ալեքսանդր Քարթվելի Բաթումի միջազգային օդանավակայանը»,- ասված է հաղորդագրությունում։
Տեղեկացնենք, որ Վրաստանի քաղաքացիական ավիացիայի գործակալության տվյալներով՝ ռուսական ավիաընկերություններն արդեն դիմել են թռիչքներ սկսելու համար։ Տարածված հաղորդագրության մեջ գործակալությունը չի նշում, թե որ ավիաընկերություններն են դիմել և ինչ հաճախականությամբ են թռիչքի պահանջը ներկայացրել։
Opinion, pooling and voting
