Ադրբեջանը և Հայաստանը պայմանավորվել են ճանաչել Ալմաթիի հռչակագրում նշված վարչական սահմանները որպես պետական սահմաններ. Փաշինյան
Հայաստանի վարչապետ Նիկոլ Փաշինյանի խոսքով, Հայաստանը ճանաչում է 86600 քառակուսի կիլոմետրը որպես Ադրբեջանի տարածք, իսկ ի պատասխան՝ Ադրբեջանը ճանաչում է 29800 քառակուսի կիլոմետրը որպես Հայաստանի տարածք։ Այս մասին Ռեյկյավիկում կայացած Եվրոպայի Խորհրդի գագաթնաժողովում իր ելույթի ժամանակ հայտարարեց Հայաստանի վարչապետը։
Նրա խոսքով, կողմերը մի քանի օր առաջ համաձայնության են եկել Եվրամիության միջնորդությամբ և պայմանավորվել ճանաչել, որ 1991 թվականի Ալմաթիի հռչակագրում նշված վարչական սահմանները պետք է դառնան պետական սահման։
«Երկար տարիներ ղարաբաղյան հակամարտությունն օգտագործվում էր Հայաստանում ժողովրդավարության բացակայությունն արդարացնելու համար։ 2018 թվականին մեր թավշյա հեղափոխությունը պայմաններ ստեղծեց ժողովրդավարական զարգացման համար, սակայն 2020 թվականի սեպտեմբերին Ադրբեջանը հարձակվեց Լեռնային Ղարաբաղի վրա և Հայաստանը ստիպված էր միանալ պատերազմին։ 2020 թվականի նոյեմբերի 9-ին ես ստորագրեցի եռակողմ հայտարարությունը, որը դարձավ Հայաստանի պետական կառույցների վրա հարձակման պատճառ, թեև կարողացանք պահպանել ժողովրդավարական կարգերը»,- ասել է Փաշինյանը։ 1tv.ge
