Գյուղատնտեսական տեխնիկայի սուբսիդավորման ծրագիր կոոպերատիվների համար
Գյուղերի զարգացման գործակալությունը մեկնարկել է գյուղատնտեսական կոոպերատիվների համար գյուղտեխնիկայի ձեռքբերման ֆինանսավորման նախագիծը։
Ծրագրի իրականացումը համակարգում է Վրաստանի շրջակա միջավայրի պահպանության և գյուղատնտեսության նախարարությունը։
Գյուղատնտեսական կոոպերատիվների համար գյուղատնտեսական մեքենաների համաֆինանսավորման ծրագրի նպատակն է խթանել գյուղատնտեսական համագործակցությունը և մեծացնել գյուղտեխնիկայի հասանելիությունը կոոպերատիվների համար:
Ծրագիրը կիրականացվի Վրաստանի բոլոր մունիցիպալիտետներում։ Ծրագրին կարող են մասնակցել միայն կոոպերատիվները։
Գնված գյուղտեխնիկան պետք է լինի նոր (չօգտագործված) և համապատասխանի հետևյալ պայմաններին.
- Գյուղատնտեսական տեխնիկան պետք է արտադրվի ոչ ավելի, քան 2 օրացուցային տարի՝ հայտի ներկայացումից առաջ։ 2. Գյուղատնտեսական տեխնիկան պետք է գտնվի երաշխիքային պայմաններում՝ հայտը գործակալություն ներկայացնելուց հետո առնվազն 6 ամիս: 3. Ծրագրի պոտենցիալ շահառուն չպետք է պետական բյուջեին հարկային պարտքեր ունենա։ 4. Պոտենցիալ կոոպերատիվի (բացառությամբ բարձրլեռնային տարածքների) շահառուների թիվը պետք է լինի առնվազն 10:
Համաձայնագրի ստորագրումից հետո 5 տարվա ընթացքում շահառուն պարտավոր է՝ պահպանել գյուղատնտեսական կոոպերատիվի կարգավիճակը, պահպանել ծրագրով որոշված շահառուների նվազագույն թիվը, պահպանել ծրագրով սահմանված նվազագույն հողատարածք(ներ)ը. չվաճառել կամ ուրիշի սեփականությանը չփոխանցել ծրագրով ձեռք բերված գյուղատնտեսական տեխնիկան՝ կանխելու ծրագրով ձեռք բերված գյուղատնտեսական տեխնիկայի արտահանումը Վրաստանից դուրս։ Լրացուցիչ տեղեկությունների համար կարող եք հետևել հղմանը։
Հավելենք, որ գյուղտեխնիկայի ձեռքբերման ֆինանսավորման ծրագրից բացի գործում է նաև Արտոնյալ գյուղատնտեսական վարկ։
Ծրագիրը նպատակ ունի բարելավել գյուղատնտեսության մեջ առաջնային արտադրության, վերամշակման և պահեստավորման շուկայավարման արտադրական գործընթացները։ Պետությունը գյուղացուն չորս տարով վարկ է տրամադրում տարեկան 11 տոկոսով։
Վարկի գումարը կազմում է 20 հազարից մինչև 1,5 մլն լարի։ Գյուղատնտեսական վարկերը տրամադրվում են ծրագրին մասնակցող առևտրային բանկերի և ֆինանսական հաստատությունների կողմից «Արտոնյալ գյուղատնտեսական վարկավորման ծրագրով»:
Opinion, pooling and voting
