Որքան գումար կծախսվի մունիցիպալ բյուջեից շրջանի գիշերային լուավորության համար

Նինոծմինդայի շրջանը գիշերային լուսավորությամբ ապահովելու համար քաղաքապետարանի տեղական բյուջեից հատկացվել է 400 հազար լարի։ Այս գումարից 12 000 լարին տրամադրվել է Նինոծմինդա քաղաքի և Նինոծմինդայի մունիցիպալիտետի գյուղերի արտաքին լուսավորության լուսադիոդային լամպերի օգտագործման նախագծանախահաշվային փաստաթղթերի պատրաստման ծառայությունների համար՝ փորձաքննությունով: 7760 լարիի նախագծային մրցույթը շահել է անհատ ձեռնարկատեր Ռաֆայել Ռաիսյանը։

Անհատ ձեռնարկատեր Ռաֆայել Ռաիսյանը 2022 թվականի մարտի 1-ից գրանցված է Ախալքալաք քաղաքում։ Այս ամբողջ ընթացքում նա մասնակցել է 69 մրցույթի, որից 35-ում հաղթել է, 4 մրցույթ չի կայացել, իսկ 30 մրցույթում պարտվել է։ Մրցույթների հիմնական մասն անցկացվել է Նինոծմինդայում և Ախալքալաքում։

Այս պահին Նինոծմինդայի մունիցիպալիտետն ապահովված է 80% գիշերային լուսավորությամբ։ Այս տարի քաղաքապետարանի բյուջեից գումար է հատկացվել, որը, ըստ քաղաքապետարանի ենթակառուցվածքների վարչության պետի, պետք է բավարարի թե՛ գյուղերում, թե՛ քաղաքում աշխատանքներն ավարտին հասցնելու համար։

Գիշերային լուսավորության աշխատանքների ավարտից հետո դրա պահպանման պատասխանատվությունը կփոխանցվի Նինոծմինդա քաղաքի մունիցիպալ ծառայությանը, որը վերահսկողություն է իրականացնելու։ Եթե խնդիրներ առաջանան, ինչպիսիք են գիշերային լույսերի վնասումը կամ կոտրված լարերը, նրանք պետք է վերանորոգեն և փոխարինեն դրանք:

Քաղաքի կոմունալ ծառայության ղեկավարությունն ունի գործունեության երեք ուղղություն՝ գիշերային լուսավորության պահպանում, մաքրում և կանաչապատում։ Գիշերային լուսավորության պահպանման համար տրամադրվել է 12 000 լարի՝ ներառյալ աշխատակիցների աշխատավարձերը, ճանապարհածախսը, էլեկտրոնային նյութերի, պահեստամասերի ձեռքբերման և այլ ծախսերը։

Այս 2023 թվականից նրանց ծառայությունը ներառում է նաև լուսացույցների սպասարկումը։ Սրա համար նախատեսված է 4000 լարի։

Առավել մանրամասն մեր աուդիո նյութում։