საგაზაფხულო გაწვევა. ნინოწმინდელი ახალგაზრდები სამხედრო-სამედიცინო კომისიაზე გაემგზავრნენ

31 მაისს ნინოწმინდის მუნიციპალიტეტის 18-დან 27 წლამდე რვა ახალგაზრდა სამედიცინო შემოწმებაზე გაემგზავრა.

წვევამდელები სამედიცინო შემოწმების გავლის შემდეგ უნდა შეირჩნენ ქალაქ ახალქალაქში სამსახურში (კარანტინი) წინასწარ მომზადებაზე, შემდეგ კი საქართველოს სხვადასხვა კუთხეში თავდაცვის სამინისტროში და შინაგან საქმეთა სამინისტროს გზით უნდა იმსახურონ.

საქართველოს კანონმდებლობის თანახმად, სამხედრო სავალდებულო სამსახურისგან დროებით თავისუფლდებიან სტუდენტები, სოფლის მასწავლებლები, ექიმები, ოჯახის ერთადერთი მარჩენალი და ჯანმრთელობის პრობლემების მქონე მოქალაქეები.

ასევე, საქართველო ოფიციალურად ითვალისწინებს სამხედრო სავალდებულო სამსახურისგან დროებით გათავისუფლების შესაძლებლობას 2000 ლარის ოდენობის გადახდის შემთხვევაში. 2000 ლარის გადახდის შემთხვევაში პირი იღებს გადავადებას 18 თვით. ერთი და იგივე პირს შეუძლია მხოლოდ ორჯერ გამოიყენოს გადავადებული გადახდა. საგაზაფხულო გაწვევის დროს 20 ადამიანმა 2000 ლარის გადახდით გადავადება მიიღო.

18-დან 27 წლამდე ასაკის პირები სამხედრო სამსახურში ირიცხებიან, ხოლო საქართველოში სავალდებულო სამხედრო სამსახური 12 თვე გრძელდება.

მშობლები აღნიშნავენ, რომ აუცილებელია სამშობლოს თავდაცვაში მსახურობა და ამავდროულად ისინი შეძლებენ სახელმწიფო ენის შესწავლას.

ნინოწმინდის მუნიციპალიტეტიდან ამ დროისთვის საქართველოს კუთხეებში სხვადასხვა მიმართულებით 64-მდე ადამიანი მსახურობს, საიდანაც 13 სამხედრო სამსახურს დღეს ასრულებს და ბრუნდება.