Սամցխե-Ջավախեթիում բրուցելոզի վարակը շարունակում է տարածվել

Ասպինձայի մունիցիպալիտետի Օրգորա գյուղում բրուցելոզ է հաստատվել 15 խոշոր եղջերավոր անասունի և 3 ոչխարի մոտ։ Այս մասին «Իններորդ ալիքի» հետ զրույցում ասաց Սննդի ազգային գործակալության Սամցխե-Ջավախեթիի բաժնի ղեկավար Լիա Բեքաուրին։

Նրա խոսքով, այն գյուղերում, որտեղ բրուցելոզ է հայտնաբերվել, այս փուլում ուսումնասիրվում է ներկա իրավիճակը։ Անասնաբույժները զննում են կենդանիներին և հարցնում գյուղացիներին։

Վարակված կենդանիների մեծ մասը մորթվում է անասնաբուժական սպանդանոցներում՝ անասնաբույժների հսկողության ներքո:

Հիշեցնենք, որ բրուցելոզը ի սկզբանե հայտնաբերվել էր Ասպինձայի մունիցիպալիտետի Սակուդաբելի գյուղում։ Այս պահին այստեղ 27 դեպք է գրանցվել:

Բրուցելոզը մարդկանց փոխանցվում է հիվանդ կենդանիներից։ Այն իրենից ներկայացնում է վարակիչ հիվանդություն, որին բնորոշ են նյարդային, սիրտանոթային, ինչպես նաև ոսկրահոդային համակարգերի ախտահարումները։

Հիվանդության գաղտնի շրջանը սովորաբար 1-3 շաբաթ է։ Բրուցելոզին բնորոշ է կլինիկական ախտանշանների բազմաձևությունը։

Հաճախ հիվանդությունն սկսում է սուր, ջեիմաստիճանը բարձրանում է մինչև 39-40° C, առաջանում են դոդ, թուլություն, առատ քրտնարտադրություն, մկաններում և հոդերում ուժեղ ցավեր, բնորոշ են նյարդային և ոսկրահոդային համակարգերի, արյունատար անոթների ախտահարումները:tv9news.ge

---

---