Ասպինձայի շրջանում փրկարարները 15-ամյա աղջկան մահացած են գտել

Մոտ 12 ժամ տեւած որոնումներից հետո Ասպինձայում կորած աղջկան գտել են: Փրկարարները, ջրասուզակները, բնակիչները հունիսի 9-ից որոնում են Գ.Վ.-ին: Որոնողական աշխատանքներն իրականացվել են հիմնականում գետի մոտակայքերում։ Առկա տեղեկությունների համաձայն՝ դեռահասները գնացել էին լողանալու, երբ աղջիկը ջրում կորել էր: 

Տեղացիների խոսքով, կամրջի մոտ դեռահասին տեսել է ջրասուզակը։

Հիշեցնենք որ , Ասպինձայում որոնում էին 15-ամյա աղջկա: Տեղացիների խոսքով՝ դեռահասները հավանաբար լողացել են Քուռ գետում, երբ աղջիկը ջրում անհետացել է:

Դեպքը տեղի է ունեցել , հունիսի 9-ին, ժամը 17:00-ի սահմաններում:

Ասպինձայի մունիցիպալիտետում դեռ փնտրում են մայիսի 5-ին անհետ կորած Գիմզեր Կավելիձեին։  Ասպինձայից բացի ,անհետ կորած 28-ամյա երիտասարդի որոնումները շարունակվում են Ախալցիխեում, Բորջոմիում և հարակից տարածքում։ tv9news.ge

---

---