ՌԴ-ում իրավիճակը լարված է. Պուտինը հանդես կգա հայտարարությամբ
Մոսկվայի քաղաքապետ Սերգեյ Սոբյանինը Telegram-ի իր ալիքում հայտնել է, որ Մոսկվայում «հակաահաբեկչական» ռեժիմի ներդրման պատճառով բոլոր զանգվածային միջոցառումները չեղարկվել են, գրում է Gazeta-ն։
Ըստ թելեգրամյան ալիքների՝ այս ռեժիմն իրենից ենթադրում է հակաահաբեկչական գործողության ռեժիմ, որի պայմաններում ԱԴԾ-ն դառնում է Ռուսաստանի տարածքում «գլխավոր իշխանությունը»։
Անվտանգության ուժերը կարող են վերահսկել բոլոր հեռախոսային խոսակցությունները և այլ հաղորդագրությունները, այդ թվում՝ ինտերնետում։
Նրանք կարող են խլացնել կապը:
Անվտանգության ուժերը կարող են ստուգել քաղաքացիներին և ցանկացած տրանսպորտ, օգտագործել քաղաքացիների և կազմակերպությունների տրանսպորտն ու գույքը իրենց նպատակների համար։
Բացի դա, ստանում են անարգել մուտք դեպի բնակելի և այլ տարածքներ։
Ինչ է կատարվում
Մեր երկրի ղեկավարությունը մոռացել է արդարություն բառը և այդ պատճառով իրենք կպատժվեն։ Այս մասին Ateo Breaking թելեգրամյան ալիքի փոխանցմամբ՝ հայտնել է «Վագներ» խմբավորման ղեկավար Եվգենի Պրիգոժինը։
Ըստ ալիքի հրապարակումների՝ նա ասել է, թե այս գիշեր կլուծվի «Ռուսաստանը խայտառակած դավաճանների և հանցագործների հարցը»։
Նշվում է, որ Սանկտ Պետերբուրգում «Վագներ»-ի գրասենյակ է ուղարկվել Ազգային գվարդիան։ Ալիքը գրում է, որ ռուսական պետական լրատվամիջոցներին և թելեգրամյան ալիքներին արգելվել է նշել Պրիգոժինի որևէ հայտարարություն։
Նշենք, որ Պրիգոժինն այսօր հայտարարել է, որ ՌԴ պաշտպանության նախարար Սերգեյ Շոյգուն դիտավորյալ ժամանել է Ռոստով՝ «Վագների» ոչնչացման հատուկ գործողություն իրականացնելու նպատակով։ Նրա խոսքով՝ Շոյգուն հրետանի ու ուղղաթիռներ է օգտագործել՝ իրենց ոչնչացնելու համար:
«Պետք է վերջ տալ այն չարիքին, որը կրում է ՌԴ ռազմական ղեկավարությունը։ Ով կփորձի դիմադրել, մենք կկործանենք։ Արդարությունը զորքերում կվերականգնվի, իսկ դրանից հետո՝ ողջ Ռուսաստանում»,- ասել է Պրիգոժինը։
Պրիգոժինը հայտարարել է նաև, որ Շոյգուն անձամբ է ղեկավարել օպերացիան։
ՌԴ ՊՆ-ն շտապել է հերքել այս տեղեկատվությունը՝ հայտարարելով, որ «Վագների» թիկունքային ճամբարների վրա հարձակման մասին տեղեկատվությունը չի համապատասխանում իրականությանը։
«Պրիգոժինի անունից սոցցանցերում տարածված բոլոր հաղորդագրություններն ու տեսագրությունները իրականությանը չեն համապատասխանում և տեղեկատվական սադրանք են»»,- ասված է ՌԴ ՊՆ հայտարարությունում։
Դմիտրի Պեսկովն ասել է, որ Վլադիմիր Պուտինը տեղեկացված է Պրիգոժինի շուրջ ստեղծված իրավիճակի մասին։
«Ձեռնարկվում են բոլոր անհրաժեշտ միջոցառումները»,- ասել է նա։
Opinion, pooling and voting
