Նինոծմինդա քաղաքի փողոցների սառցակալած մայթերը վտանգավոր են հետիոտնի անցուդարձի համար

Նինոծմինդա քաղաքի կենտրոնական փողոցների մայթերը վերջին սաստիկ սառնամանիքներից հետո սառցակալվել են, ինչը խոչընդոտ է հանդիսանում հետիոտնի անցուդարձի համար: Բնակիչները վախվխելով են քայլում մայթերով:

Նինոծմինդայի Կոմունալ ծառայության ղեկավար Մելս Մնացականյանը մեզ հետ զրույցում նշեց, որ իրենց ծառայությունը չունի համապատասխան տեխնիկա մայթերը մաքրելու համար, անհրաժեշտության դեպքում նրանք նմանատիպ տեխնիկա ստիպված են լինելու վարձակալել մասնավոր կազմակերպություններից: Մնացականյանը նաև հավելեց, որ այս օրերին սառցակալած մայթերը մշակելու են ավազով կամ աղով:

Իրենց հերթին խոչընդոտ են ստեղծում այսպես կոչված ՛՛եվրոպական՛՛ մայթերը, որոնք նեղ են և դժվարություն են ստեղծում մաքրելու տեսանկյունից: