Կեղծ տեղեկություն և խուճապ Նինոծմինդայի մունիցիպալիտետում

Այսօր սոցիալական ցանցերում տեղեկություններ են տարածվել, որ 23: 00-ից մինչև առավոտյան 05: 00-ն ընկած ժամանակահատվածում ուղղաթիռները Թբիլիսիում օդը կախտահանեն հատուկ ախտահանիչ նյութերով:

Վրաստանի առաջին ալիքը ստուգել է այս տեղեկատվությունը Թբիլիսիի քաղաքապետարանում:

Պարզվել է, որ տեղեկատվությունը կեղծ է և չի համապատասխանում իրականությանը, Թբիլիսիում նման միջոցառումներ նախատեսված չեն:

«Թբիլիսիի քաղաքապետարանն ամեն օր ախտահանում է իրականացնում ավտոբուսներում, մետրոյի կայարաններում, սպասարկման կենտրոններում, անվճար ճաշարաններում և այլ հաստատություններում », – ասացին քաղաքապետարանում:

Նշենք, որ Նինոծմինդայի մունիցիպալիտետում այս կեղծ տեղեկատվության հետևանքով խուճապ է սկսվել, մասնավորապես գյուղերում մարդիկ ծածկում են դեզերը որպեսզի խոտը չթրջվի քիմիական նյութով, պարաններից հավաքում են լվացքը և միմյանց խորհուրդ են տալիս տանից դուրս չգալ։

Մեկ անգամ ևս նշենք, որ տեղեկությունը կեղծ է և այն չի համապատասխանում իրականությանը։

---

---