Գնացքը բախվել է մեքենային՝ Օրոջալար գյուղի մոտ. Կան տուժածներ
Այսօր՝ հունվարի 19֊ին, ժամը 14։40֊ի սահմաններում Նինոծմինդայի մունիցիպալիտետի Օրոջալար գյուղի մոտ, երկաթգիծը ձյունից մաքրող գնացքը բախվել է թեթև մարդատար մեքենային։
Բախումից հետո գնացքը մեքենային տարել է մի քանի տասնյակ մետր հեռավորության վրա։ Hyundai մակնիշի մեքենան ամբողջությամբ վնասվել է։
Մեքենայում եղել են վարորդը և մեկ ուղևոր։ Պատահարի պատճառով մեքենայում գտնվող ուղևորներին տարբեր կոտրվածքներով տեղափոխել են Ախալքալաքի հիվանդանոց։ Տուժածները Նինոծմինդայի բնակիչներ են:
Դեպքի վայրում աշխատում են ոստիկանները։
