Կախաբեր Սաբանաձեն հրաժարական է տվել ՆԳ փոխնախարարի պաշտոնից
Կախաբեր Սաբանաձեն հրաժարական է տվել ներքին գործերի նախարարի տեղակալի պաշտոնից: Այդ մասին նա գրում է «Ֆեյսբուք» սոցիալական ցանցում:
«Ես կցանկանայի արձագանքել ԶԼՄ-ներով եթեր հեռարձակված ռեպորտաժներին և շեշտել, որ ես տարիներ շարունակ ծառայում եմ պետությանը և հավատարիմ եմ այն օրենքին, որի խստիվ կատարումը եղել է, և կլինի և կլինի իմ գերակայությունը:
Կարծում եմ, որ վերը նշված փաստերը պետք է ուսումնասիրվեն, ուստի պետք է մանրակրկիտ և օբյեկտիվ հետաքննություն անցկացվի՝ ճշմարտությունը պարզելու համար: Հաշվի առնելով վերոգրյալը՝ հետաքննության գործընթացում վստահություն ապահովելու համար ես հրաժարական եմ տալիս: Կարծում եմ, որ նախադեպ կլինի, որ հասարակության մեջ օբյեկտիվորեն ծագող հարցերի դեպքում բոլոր պաշտոնատար անձինք գործեն բարձր պատասխանատվության ստանդարտով:
Ցանկանում եմ շնորհակալություն հայտնել բոլոր այն արժանի ոստիկաններին, որոնց հետ աշխատել եմ այս տարիների ընթացքում: Համակարգում աշխատում են հերոսներ, որոնց ուսերին կանգնած է մեր երկրի անվտանգությունը, ուզում եմ հաջողություն մաղթել իրենց հայրենիքի ծառայության մեջ», – գրել է Կախաբեր Սաբանաձեն:
Կախաբեր Սաբանաձեն ներքին գործերի փոխնախարարի պաշտոնն զբաղեցնում էր 2017 թվականից:
Opinion, pooling and voting
