![](https://nor.ge/am/wp-content/uploads/parvanayi-dproc.jpg.pagespeed.ce.Jhs29DFo7I.jpg)
Հուսով եմ, որ դատարանի վճիռը կկատարվի առանց որևէ բարդությունների և առանց որևէ դիմադրության, – այսպես է արձագանքել Նինոծմինդայի մանկական գիշերօթիկի կապակցությամբ, դատարանի կողմից ընդունած որոշմանը, Փոթիի և Խոբիի միտրոպոլիտ, Սրբազան Գրիգոլը:
Ինչպես ասել է սրբազան Գրիգոլը, երեխաների հարցը պետք է պատասխանատվությամբ ղեկավարվի:
«Ինչ վերաբերում է կոնկրետ դեպքին, ես գիտեմ, հիմա շատ մեծ աղմուկ է և ճշմարտություն ասենք, թե սուտն ու ճշմարտությունն ինչքան են խառնվել իրար, շատ դժվար է դառնում եզրակացություններ անել, քանի որ յուրաքանչյուր մարդ ունի պատասխանատվության մեծ զգացում: Մենք կարող ենք մի բան անել, մեկ այլ բան փչացնել: Երբեմն դա պատահում է մեզ հետ, ուստի այն փաստը, որ դատարանը որոշում կայացրեց, հուսով եմ, դատարանի որոշումը կկատարվի առանց որևէ բարդությունների և առանց որևէ դիմադրության: Եթե անկարգություններ կան, ես ողջունում եմ կարգուկանոնի հաստատումը: Եթե դա հանցագործություն է, ապա այն պետք է վերացվի, եթե որևէ անօրինականություն կա, պետք է շտկվի», – ասել է Սրբազան Գրիգոլը:
Փոթիի և Խոբի թեմի առաջնորդի խոսքով, եթե Նինոծմինդայի գիշերօթիկ դպրոցի դուռը բացվեր, գործն այսքանին չէր հասնի:
«Այսօր ես կարծում եմ, որ պետությունը խառնվել է այս գործին, և մենք դրանից պետք է ակնկալենք կոնկրետ քայլեր: Որքան գիտեմ, ընթանում է ստուգում: Հիմա, եթե մեկ րոպեով գնանք այնտեղ, ոչինչ չենք հասկանա: Այնտեղ անհրաժեշտ է լինել որոշակի ժամանակով: Ես այսպիսի կարծիք ունեմ, որ գործը կարող էր այսքանին չհասներ, եթե դուռը ժամանակին բացվեր: Վրացական արտահայտությունն է. «Ասում են, որ ասածն ունի մեկ պոչ, իսկ չասածը հազար», այս դռները արդարացիորեն կամ անարդար փակվեցին, փաստն այն է, որ դա մեծ կասկածներ առաջացրեց և լարեց հասարակությանը», – հայտարարել է Սրբազան Գրիգոլը:
Միևնույն ժամանակ, միտրոպոլիտ Գրիգոլը նշեց, որ այս փուլում նպատակահարմար չէ սինոդի ժողով գումարել Նինոծմինդայի մանկական գիշերօթիկ դպրոցի խնդրի շուրջ:
«Եկեղեցում կան հարցեր, որոնք պահանջում են դատողություն, քննարկում, բայց այս պահին մենք ապրում ենք մի քիչ արտակարգ իրավիճակում, սա իրականություն է, դրանում ոչ մի հատուկ բան չկա: Մեր Կաթողիկոս-Պատրիարքն իրեն թույլ է զգում, և ակնհայտ է, որ դժվար է պատկերացնել Սինոդ հրավիրելը և այս մասշտաբով հարցեր ուսումնասիրելը», – ասել է Սրբազան Գրիգորը:
Քաղաքային դատարանի ժամանակավոր որոշման համաձայն, Առողջապահության նախարարությանը և Պետական խնամքի գործակալությանը հանձնարարվել է Նինոծմինդայի գիշերօթիկ դպրոցում բնակվող հաշմանդամություն ունեցող երեխաներին տեղափոխել այլ պետական խնամքի հաստատություններ:
Բացի այդ, «Գործընկերություն հանուն մարդու իրավունքների» կազմակերպության նախագահ, Անա Արգանաշվիլին հայտարարել է, չնայած նրան, որ կազմակերպությունը կարող է պաշտպանել միայն հաշմանդամություն ունեցող երեխաների իրավունքները, որպես հատուկ հայցվոր, դատարանի որոշումը վերաբերում է նրան, որ գիշերօթիկ դպրոցում բնակվող բոլոր երեխաները վտանգված են: