Ժդանովական գյուղում մանկապարտեզ կկառուցվի

Նինոծմինդայի քաղաքապետարանի պետական գնումների ծառայությունը մրցույթ է հայտարարել Ժդանովական գյուղում մանկապարտեզ կառուցելու համար:

Վերանորոգման աշխատանքների համար տեղական բյուջեից հատկացվել է 80 հազար լարի: Մրցույթը կկայանա օգոստոսի 27 -ին:

Հիշեցնենք, որ գյուղացիների համար կարեւոր խնդիրներից է մանկապարտեզի բացակայությունը: Ինչպես նշում են բնակիչները, գյուղը հիմնականում զբաղվում է գյուղատնտեսությամբ: Եթե գյուղում մանկապարտեզ լինի, աշխատատեղեր կբացվեն, բնակիչները կկարողանան իրենց երեխաներին տանել մանկապարտեզ և հանգիստ զբաղվել գյուղական գործերով:

Նկատենք, որ ներկայումս Նինոծմինդայի մունիցիպալիտետում գործում է 12 մանկապարտեզ, որից երկուսը գտնվում են Նինոծմինդա քաղաքում: Ավելացնենք, որ Նինոծմինդայի մունիցիպալիտետի 2021 թվականի բյուջեի համաձայն ՝ գյուղերում նախատեսված է 5 մանկապարտեզի կառուցում և վերականգնում:

Փ.Խանչալի և Ղուլալիս գյուղերում նոր մանկապարտեզների կառուցման համար հատկացվել է 174.500 լարի, Ռոդիոնովկա գյուղի մանկապարտեզի համար 131.500 լարի; Ժդանովական գյուղի մանկապարտեզի համար 80.000 լարի; Ջիգրաշեն գյուղի մանկապարտեզի վերականգնման համար `40.000 լարի: