Վրաստանում հայտնվել է նոր ծառայություն՝ «Հարկային հաշվիչ»
Վրաստանի վիճակագրության ազգային ծառայությունը «Սակստատ» -ը մշակել է «Հարկային հաշվիչ» էլեկտրոնային նոր ծառայություն:
Հաշվիչը հասանելի է mytaxes.geostat.ge կայքում:
Երբ օգտվողը հաշվիչի մեջ մուտքագրում է աշխատավարձի տվյալները, ծառայությունը ցույց է տալիս, թե դրա որքան մասն է հարկվում պետական բյուջե:
Բացի այդ, եթե մարդը ծխում է ծխախոտ, ինչպես նաև խմում է ալկոհոլային խմիչքներ և գնում ավտոմեքենայի վառելիք, հաշվիչը կհաշվարկի, թե այդ նպատակների համար ծախսվող գումարի որքան մասն է բյուջե մուտքագրվում որպես ակցիզային հարկ:
Հաշվիչը ցույց կտա նաև, թե որքան է օգտվողը տարեկան փոխանցում պետությանը, և ինչպես է այն օգտագործվում պետական բյուջեի տարբեր ծախսային հատվածներում՝ պաշտպանության, մշակույթի, կրթության և այլն:
Ծառայության ստեղծողները շեշտում են, որ հաշվիչը նախատեսված է միայն տեղեկատվական նպատակների համար և չի ներառում բոլոր տեսակի հարկերը:
«Հարկային հաշվիչը» նոր էլեկտրոնային ծառայություն է, որը թույլ է տալիս որոշել ձեր ուղղակի կամ անուղղակի վճարումների տեսքով բյուջե կատարվող ձեր ներդրումների չափը, վերլուծել ներդրումները` ըստ գործառական հոդվածների», – ասում է Sakstat- ի գործադիր տնօրեն Գոգիտա Թոդրաձեն:
Opinion, pooling and voting
