Ես թույլ չեմ տա պարտադիր պատվաստում. Ղարիբաշվիլի
Որպես համակարգող խորհրդի նախագահ և վարչապետ ՝ ես թույլ չեմ տա պարտադիր պատվաստում, – այս մասին հայտարարել է Վրաստանի վարչապետ Իրակլի Ղարիբաշվիլին:
«Ուզում եմ միանշանակ ասել, որ ես՝ որպես համակարգող խորհրդի նախագահ և վարչապետ, թույլ չեմ տա պարտադիր պատվաստում։ Ես ուզում եմ, որ բոլորը լավ իմանան սա։ Մեր քաղաքացիներն ունեն ազատ ընտրության իրավունք և հնարավորություն։ Ես արել եմ ամեն ինչ, որպեսզի ժամանակին հասցնեմ ավելի քան բավարար պատվաստանյութ, բերեցի միլիոնավոր պատվաստանյութեր և անձամբ ներգրավված էի բանակցային գործընթացում: Մենք Վրաստան ենք բերել բոլոր տեսակի պատվաստանյութերը։ Մենք պետք է համոզենք և չպարտադրենք մեր քաղաքացիներին, մենք պետք է նրանց համոզենք, որ պատվաստումը միակ, ոչ այլընտրանքային լուծումն է»,- ասել է Իրակլի Ղարիբաշվիլին: