Ծեծ, քնից ու սնունդից զրկում. Ինչպես են պատժել երեխաներին Նինոծմինդայի մանկատանը

Ֆիզիկական բռնություն, հարկադրական քաղց և նվաստացում: Սա ընդամենը մի փոքրիկ մասն է այն միջոցառումների, որոնք, ըստ ՄԻՊ զեկույցի, մանկավարժները կիրառել են Վրաստանի Պատրիարքարանի ենթակայությամբ գործող Նինոծմինդայի մանկատանը՝ երեխաներին պատժելու նպատակով։

Դեկտեմբերի 23-ին Վրաստանի ՄԻՊ Նինո Լոմջարիան հանրությանը ներկայացրեց հատուկ զեկույց՝ մանկատանը կիրառված պատժի մեթոդների և այլ խախտումների վերաբերյալ։

Լոմջարիան դիմել է Գլխավոր դատախազություն՝ հնարավոր հանցագործությունների արդյունավետ հետաքննությունն անցկացնելու առաջարկով։

Նա, մասնավորապես, առաջարկում է՝

Միավորել գործերը,

Փոխել գործի որակավորումը,

Փոփոխել քննչական կառուցվածքային ստորաբաժանումը և վերահսկիչ դատախազին,

Գործող սոցիալական աշխատողի գործից հրաժարվել,

Կատարել մի շարք քննչական գործողություններ,

Անցկացնել համապատասխան փորձաքննություն, հարցազրույցներ մանկատան բարձրաստիճան պաշտոնյաների հետ (հոգևորականներ և քաղաքացիական անձինք),

Ստանալ տեղեկատվություն հեռախոսային և համապատասխան կապի մասին, ստանալ բժշկական և այլ փաստաթղթեր, կոնկրետ դեպքերում կիրառել պաշտպանության հատուկ միջոցներ և այլն:

Ինչպես են երեխաներին պատժել մանկատանը

Նինոծմինդայի մանկատանը հարուցվել է 4 քրեական գործ, որոնցից՝ երեքը բռնության, մեկը՝ բռնաբարության հոդվածով։

Գործի նյութերը պարունակում են սաների հարցաքննության արձանագրություններ, որոնցում խոսվում է պատժի մեթոդների մասին, որոնք նվաստացուցիչ են հանդիսանում, պատիվը ոտնահարող և հաճախ «հավասար են խոշտանգումներին և անմարդկային վերաբերմունքի»:

«Որպես պատիժ՝ սաներին արգելում էին ուտել և քնել, և նրանք դիմել են ֆիզիկական բռնության։

Սաները հիշում են, թե ինչպես է դաստիարակը պատժել ամբողջ խմբին և ուտելիք չի տվել, մինչդեռ ինքը ուրիշների հետ միասին կերել է և ստիպել երեխաներին նայել իրենց, երեխաներն այդ պահին ծնկաչոք են եղել։

Սաներից մեկին գիշերը շեղակի միզարձակման պատճառով դաստիարակը ստիպել է մերկ կանգնել միջանցքում։ Նույն պատճառով երկրորդ սանին որպես պատիժ հագցրել են պատառոտված շորեր։ Դաստիարակներից մեկը ստիպել է երեխային լեզուն հանել ու սանրով հարվածել է նրա լեզվին։ Երբ երեխաները արթնացել են ցերեկային քնի ժամանակ, խնամակալը ստիպել է նրանց վեր կենալ, վերցնել ներքնակները, պառկել փայտե մահճակալի վրա և ծածկվել ներքնակներով։

Սաներին դիմել են հետևյալ բառերով՝ «անասուն», «փողոցային թուլա»։ Ուտելուց հրաժարվելու համար կերակուր լցրել են նրանց գլխին։ Դեպքերից մեկում դաստիարակը թեյ է լցրել երեխայի գլխին ու արգելել լվացվել։ Դաստիարակներից մեկը, որպես պատիժ, վիրակապով կապել է երեխայի ձեռքերն ու ամբողջ գիշեր թողել այդպես։ Անչափահասները խոսում են այնպիսի դեպքերի մասին, երբ իրենց գլխին հարվածել են աթոռի ոտքով և ստիպել կանգնել սառը հատակին։ Սաներից մեկն ասում է, որ իրեն ասել են ծնկի գալ, քանի որ խաղի ժամանակ նա պատահաբար հարվածել է գնդակով պատուհանին։ Նախկին սաներից մեկին, ով նախկին ղեկավարի հասցեին անպարկեշտ խոսքեր է օգտագործել, տեղավորվել է հոգեբուժական կլինիկայում։ Նախկին սանն ասաց, որ բռնության դեպքում արգելվում էր լաց լինել, նա մինչ օրս վախենում է լաց լինել»,- ասվում է փաստաթղթում։

Ամբողջական զեկույցը (վրացերենով) հասանելի է այս հղումով։

Մանկատանը դեռևս կան երեխաներ

Արդեն մի քանի ամիս է անցել, ինչ Նինոծմինդայի մանկատունը հայտնվել է հանրության ուշադրության կենտրոնում։ Չնայած տեղական և միջազգային կազմակերպությունների, ՄԻՊ բազմիցս առաջարկություններին և բողոքի ակցիաներին, երեխաները դեռ շարունակում են մնալ մանկատանը։ Պաշտոնական վերջին տվյալներով՝ մանկատանն ապրում է 15 անչափահաս։

Նշենք, որ Նինոծմինդայի գիշերօթիկ դպրոցում ներկայումս բնակվող անչափահասներից մեկն ունի սահմանափակ կարողությունների տեր երեխայի կարգավիճակ, որը նրան տրվել է 2015թ.-ին: Ըստ Օմբուդսմենի, ինչպես նաև երեխայի իրավունքների լիազորի, երեխաներին պետք է վերադարձնել կամ կենսաբանական ընտանիքներ, կամ պետական փոքր ընտանեկան տներ: Ինչպես հայտնել է Հանրային պաշտպանը, հիմա մանկատնից տանում են երկու երեխայի։

Աղբյուրը՝ netgazeti.ge

---

---