Ասմունքի փառատոն՝ Նինոծմինդայի մշակույթի կենտրոնում

Ասմունքի փառատոն՝ Նինոծմինդայի մշակույթի կենտրոնում

Այսօր՝ ապրիլի 30-ին, Նինոծմինդայի մշակույթի կենտրոնում անցկացվեց ասմունքի փառատոն նվիրված Եղիշե Չարենցի 125 ամյակին և Ժորա Սնխչյանի հիշատակին։

Փառատոնին մասնակցեցին Նինոծմինդայի շրջանի մի քանի գյուղերի դպրոցների աշակերտներ։ Նրանք ներկայացնում էին ինչպես Չարենցի այնպես էլ Սնխչյանի ստեղծագործությունները։

Ժյուրիի 5 հոգուց բաղկացած անձնակազմը բոլոր մասնակիցներին լսելուց հետո ընտրեց առաջին, երկրորդ և երրորդ տեղերին արժանի մասնակիցներին։ Առաջին տեղին արժանացավ Ռաֆայել-Ջավախ կրթամշակութային կենտրոնի սանը։

Նշենք, որ վերոնշյալ տեղերին արժանացած մասնակիցները Մշակույթի կենտրոնի կողմից արժանացան մեդալների, դիպլոմների և հուշանվերների։

Փառատոնի ավարտին ելույթ ունեցավ Ժորա Սնխչայնի կինը՝ Սաթենիկ Սնխչյանը ով բարձր գնահատեց ուսուցիչների գործը և շնորհակալություն հայտնեց փառատոնի կազմակերպիչներին և մասնակիցներին։

Իր խոսքով՝ Նինոծմինդայի քաղաքապետարանի Սպորտի և մշակույթի բաժնի պետ Լևոն Վարդանյանը ոգևորեց բոլոր մասնակիցներին։